20 urte
Tangoak dio 20 urte ez dela ezer,baina siriar askorentzat azken 20 urteetan, beste leku batzuetan mendetan zehar bildu ohi diren madarikazio eta zorigaitz guztiak pilatu dira.
Mendearen hasieraz batera, Bashar el Assadek Siriako presidente kargua hartu zuen,egindako lehen hitzaldian aldaketa eta berrikuntza agindu zituen,ustelkeriari aurre egin eta bizimodu hobea herritar guztientzat. Mendebaldean itxaropena piztu zuen bere gaztetasunak eta mezu ezberdinak…
Basharren agintaldia amets gaizto bihurtu da siriarrentzat, batez ere 2011n, “Udaberri Arabiarra” deitutakoari emandako erantzunaren ondoren. Aldaketa eta demokrazia eskatzen zutenen kontra bere aitaren garaiko tresnak eta baliabideak erabili zituen: errepresioa,tortura eta hilketa. Harrezkero miloi erdi hildako izan dira, siriarren erdia errefuxiatu bihurtu da han bertan edo inguruetako herrietan, eta pobrezia, gaitza eta herio nagusi bilakatu dira.
Sirian azken 11 urteetan mundu gerra bizi izan dutela esan genezake, bertan modu batera edo bestera herrialde boteretsuenek esku hartu dutelako. Gatazka honetan asko dira nahastu eta korapilatu diren interesak eta indarrak. Siria batzuen eta besteen tresna izan da handik kanpo leudeken helburuak lortzeko. Baina Siriako azken urteetako historia hutsean geratutako ahaleginaren kronika dela esan genezake.
Siria, Irak, Egipto, Libia eta beste hainbat herrialde sozialismo arabiarra deitutakoaren eredu izan ziren kolonialismo garaia gainditu ondoren. Erlijioaren eta Mendebaldearen eragina eta itzala astindu nahi izan zituzten gizarte eta politika eredu berriak jorratzeko. Estatu laikoa eraiki zuten, aukera berdintasuna lortzeko oinarriak jarri zituzten, hezkuntza eta osasuna herritar guztientzat ziurtatu, eta sortutako aberastasuna banatzen ahalegindu. Emakumeak ordura arte izan gabeko tokia lortu zuen gizartean… Baina guztietan alderdi bakarreko egitura buru bakarreko gobernu bilakatu zen, diktadura nagusitu arte.
Herritarren aldaketa eskaria uste baino indartsuagoa izan denean erantzun bera eman diote guztiek. Libian Gadafik bere herrikideen hanken artean zapalduta bukatu zuen. Egipton Mubarak bota zuten, baina ordezkatu zutenek horrenbesteko beldurra eta mesfidantza sortu zuten Mendebaldean, ordezko okerragoa onartu dutela, Al Sisi. Sirian Bashar el Assadek aginteari eustea lortu du 11 urteko gerraren ondoren, baina bere herria suntsitzeaz gain, boterea galdu duela esan genezake, Iranen, eta batez ere Errusiaren laguntzarik gabe ezingo zukeelako presidente izaten jarraitu, eta hori ondo dakite Damaskon eta Moskun.
Aste honetan bete den urteurrenak behin eta berriz herrialde arabiarretan gertatu dena ekarri digu gogora, bide berriak ireki diren bakoitzean, nagusitu zitekeen aukera okerrena gailendu dela.
Zure interesekoa izan daiteke
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.