Bi pertsona zauritu dituzte Parisen, "Charlie Hebdo"ren antzinako egoitzatik gertu
Bi pertsona larri zauritu dituzte gaur Parisen, labanaz egindako eraso batean, Frantziako hedabideek jakinarazi dutenez. Erasoa Charlie Hebdo astekariaren antzinako egoitzaren aurrean jazo da.
Poliziak ustezko erasotzailea eta bere laguntzailea atxilotu ditu, eta galdekatzen ari dira jada. Atxiloketak Bastillan egin dituzte, erasoa gertatu den lekutik gertu.
Zaurituak larri daude, baina horien bizia ez dago arriskuan, EFE albiste agentziari Poliziak zehaztu dionez. Hasiera batean erasotzaileak bi eta zauritutakoak lau zirela zabaldu bada ere, Poliziak lehen informazioa zuzendu, eta argitu du erasotzaile bakarra, laguntzaile bat eta zauritakoak bi direla.
Frantziako Fiskaltza eraso terrorista moduan ari da ikertzen gertatutakoa.
Erasoaren ondotik inguruko eskola, haurreskola eta adinekoen zentroak itxi dituzte. Handik gutxira, gainera, itxitako eremua handitu behar izan dute pakete susmagarri bat topatu dutelako. Frantziako egunkariek gerora jakinarazi dutenez, paketeak ez zuen lehergailurik barruan.
2015eko urtarrilaren 7an izan zen Charlie Hebdo aldizkariaren kontrako atentatu terrorista. 12 pertsona hil zituzten, aldizkariak Mahomaren karikaturak argitaratu eta gutxira. Hain justu, duela gutxi hasi da atentatuaren inguruko epaiketa.
Zure interesekoa izan daiteke
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".