Trumpen bozeramaileak ere positibo eman du COVID-19an

McEnanyk positibo eman du beste proba batean negatibo eman ostean. Ez du sintomarik, eta ziurtatu du kazetaririk ez dagoela gertuko harremanen artean.

Kayleigh McEnany Etxe Zuriko bozeramailea. Argazkia: Efe

agentziak | erredakzioa

2020/10/05 - 21:12

Azken eguneratzea

2020/10/05 - 21:15

Kayleigh McEnany Etxe Zuriko bozeramaileak astelehen honetan jakitera eman duenez, positibo eman du koronabirus probetan eta berrogeialdia hasiko du; hori dela eta, Donald Trump presidentearen inguruan kutsatu diren pertsonen zerrenda luzatu du.

McEnanyk ohar batean azaldu duenez, azken egunetan negatibo eman du, baina astelehen honetan positibo atera zaio. Bozeramaileak lanean jarraituko duela agindu du; izan ere, ez du COVID-19aren sintomarik eta kontaktu estuen zerrendan kazetaririk ez dagoela adierazi du.

Halaber, argitu du ostegunean, azken prentsaurrekoa eman zuenean, oraindik ez zuela Hope Hicks aholkulariaren positiboaren berri.

Trump ostiralean ospitaleratu zuten Washingtongo Walter Reed ospitale militarrean, eta igandean une batez atera zen, ibilgailu batean, inguruan zeuden jarraitzaileak agurtzeko. Bertsio ofizial kontrajarriek espekulazio ugari piztu dituzte azken egunotan bere egoeraren larritasunaren inguruan.

Agintariak normaltasun irudia eman nahi izan du, Interneten hainbat bideo eta Twitterren mezuak jaso ditu gaur goizean, medikuek senda-agiria emateko zain dagoen bitartean.

Melania Trumopere positibo eman zuen, eta azken egunotan jasotako babesa eskertu du Twitterren, eta "ondo" dagoela esan du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albiste gehiago mundua

Zuloa egin da ospitale baten aurrean Bangkoken, eta dozenaka gaixo atera behar izan dituzte

Kolapsoak 50 metroko sakonera, 30 metroko zabalera eta 30 metroko luzera dituen zulo bat ireki du, eta ospitalearen aurrean aparkatuta zegoen garabi bat irentsi du. "Hasiera batean, uste da lur mugimendu batek eragin duela zuloa, eta lurpeko ura pilatu dela tunelaren eta geltokiko hormaren artean", adierazi du Bangkokeko Administrazioak, ohar bidez.

NEW YORK (United States), 23/09/2025.- US President Donald Trump speaks during the General Debate of the 80th session of the United Nations General Assembly (UNGA) at the United Nations headquarters in New York, New York, USA, 23 September 2025. (Nueva York) EFE/EPA/SARAH YENESEL

Donald Trumpek NBEn botatakoek hautsak harrotu dituzte

AEBko presidenteak hitzaldi garratz-mina egin du New Yorkeko Nazio Batuen egoitzan. Besteak beste, NBE erakundearen beraren aurka egin du, klima aldaketa zalantzan jarri du eta "zazpi hilabetean zazpi gerrari" amaiera eman diela esan du.

MADRID, 17/09/2025.- La ministra de Defensa, Margarita Robles durante la sesión de control celebrada, este miércoles, en el Congreso de los Diputados. EFE/ J.J. Guillén

Margarita Roblesen hegazkinaren GPSa itzalarazten saiatu dira, Kaliningradetik gertu zegoela

Ohikoa da Kaliningradetik gertu dabiltzan nabigazio-gailuak "perturbatzen" saiatzea; Polonia, Lituania eta Itsaso Baltikoaren artean dagoen Errusiako enklabea da. Inzidentziak ez du kaltertik eragin hegaldian.

New York (United States), 22/09/2025.- President of France Emmanuel Macron addresses the High-Level International Conference for the Peaceful Settlement of the Question of Palestine and the Implementation of the Two-State Solution, at the United Nations (UN) headquarters in New York, New York, USA, 22 September 2025. The UN General Assembly's high-level week runs from 22 until 30 September. (Francia, Nueva York) EFE/EPA/LUKAS COCH AUSTRALIA AND NEW ZEALAND OUT

Macronek Palestinako Estatua aitortzearen alde egin du Trumpen aurrean

Israel Gazako Zerrendan egiten dabilen erasoa amaiera emateko "ikuspegi politikoa" izan behar dela nabarmendu du Frantziako presidenteak.

New York (United States), 23/09/2025.- US President Donald Trump gestures as he departs after addressing the General Debate of the 80th session of the United Nations General Assembly (UNGA) at the United Nations headquarters in New York, New York, USA, 23 September 2025. (Nueva York) EFE/EPA/LUKAS COCH NO ARCHIVING AUSTRALIA AND NEW ZEALAND OUT

NBEren egoitzako eskailera mekaniko bat Trumpen aurrean gelditu izana ikertuko du AEBko Zerbitzu Sekretuak

New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"

Hong Kong (China), 24/09/2025.- A man watches waves crash ashore during Typhoon Ragasa, signal 10, in Hong Kong, China, 24 September 2025. EFE/EPA/MAY JAMES

Txina prest, Ragasa supertifoiari aurre egiteko

Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.

Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela

Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.

Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"

Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.

Estatu palestinarra onartzea Hamas "saritzea" dela salatu du Trumpek

Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.

Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz

Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.