Trump ospitaletik irten da eta Etxe Zurian da berriro ere
Donald Trump AEBko presidenteak sendagiria jaso du eta, hiru egun ospitaleratuta egon ostean, Etxe Zurira itzuli da. Hala eta guztiz ere, haren medikuek ohartarazi dute ez dagoela "arriskutik kanpo". Trumpek, ostera, duela 20 urte baino gorputzaldi hobea duela esan du.
Ospitaletik irten aurretik bere Twitter kontuan zabaldutako mezuan, COVID-19aren beldur ez izateko adierazi du. "Ez izan COVIDaren beldur. Ez utzi zure bizitza menderatzen", gaineratu du buruzagi estatubatuarrak, herrialdean 200.000 pertsona baino gehiago hil dituen gaixotasunari erreferentzia eginez.
Bere irteera Twitteren iragarri ostean, AEBko presidenteak oinez alde egin du ospitale militarretik, maskara jantzita, eta kamerak agurtu ditu ukabila eta hatz lodia altxatuta. Marine One presidentearen helikopteroak Etxe Zurira eraman du bueltan, hamar minutuko hegaldi labur batean.
Behin Etxe Zurian, Trumpek egoitzako hegoaldeko atariko eskailerak igo ditu, maskara kendu du, argazkietarako paratu da eta Marine One helikopteroa agurtu du. Segundo batzuk geroago, maskararik gabe sartu da eraikinaren barrura.
Laster kanpaina egiten egongo dela ziurtatu badu ere, Sean Coley Trumpen mediku pertsonalak aitortu du agintaria ez dagoela "arriskutik kanpo", eta oraindik beste gaixo batzuek "ezagutzen ez den momentu batean" dagoela, jaso duen tratamendua dela eta.
Conleyk berretsi egin du ospitaletik ateratzeko neurria, ingresatuta hiru egun soilik egon bada ere, eta bi oxigeno beherakada izan dituen arren. "Ez dago oraindik arriskutik kanpo", eta hurrengo astelehenera arte itxaron beharko da ziur egoteko, adierazi du Conleyk kazetarien aurrean.
Bien bitartean, Etxe Zurian kutsatzeek gora egiten jarraitzen dute. Kayleigh McEnany Donald Trumpen bozeramaileak eta Komunikazio bulegoko bi langilek ere positibo eman dute.
BIDEOA: Trump ospitaletik irten da, inguruan bildu diren jarraitzaileak agurtzeko
Tratamenduaren xehetasunak
Medikuek azaldu dutenez, Remdesivir antibiralarekin jarraitzen dute eta gaur hirugarren dosia eman diote (bost egunekoa da plana).
Gainera, dexametasona kortikoesteroidea hartzen ere hasi da odolean oxigeno jaitsiera berririk gerta ez dakion.
Gogoan izan behar da ostiralean Regeneron farmazeutikaren antigorputz koktel bat ere eman ziotela.
Sean Dooley biriketan aditu den medikuak adierazi du Trumpen bihotz, gibel eta giltzurrun funtzioak zaintzen ari direla eta guztia "normal edo hobeto" dagoela.
Larunbatetik ez du arnasa hartzeko arazorik izan eta sukarrik ere ez, eta datu horiek ikusita, baikor daude medikuak.
Conleyk gaineratu duenez, Trumpi egin dizkioten biriketako eskanerretan "esperotakoa" bakarrik ikusi dute, eta "ez dago kezka kliniko handiagorik" horren inguruan.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.