Trumpen egoera "oso kezkagarria" da eta "datozen 48 orduak kritikoak" izango dira
Donald Trump Ameriketako Estatu Batuetako presidentearen osasun egoerak zeresana ematen jarraitzen du. Koronabirusean positibo eman eta ospitaleratuta dagoen honetan, "datozen 48 orduak kritikoak" izango direla jakinarazi die Etxe Zuriko "iturri batek" presidentearen informazioa jarraitu ohi duten kazetariei.
"Azken 24 orduetako bizi-zeinuak oso kezkagarriak izan dira eta datozen 48 orduak kritikoak izango dira bere garapena ikusteko. Oraindik ez gaude erabat osatzeko bidean" adierazi du iturri horrek.
Informazio hori erabat kontraesankorra da minutu batzuk lehenago Trump artatzen duen mediku taldeak emandako lehen parte ofizialarekin. Horiek, izan ere, presidentea "ondo osatzen" ari dela adierazi dute.
Sean Conley Trumpen medikuak esan duenez, "presidentea oso ondo dago gaur goizean eta bereziki pozik gaude bere garapenarekin". Shaun Dooley osasun aholkulariak zehaztu duenez, "bere organoen funtzio guztiak behar bezalakoak dira eta ez du arnasa hartzeko arazorik. Bereziki animatuta dago".
"24 ordu daramatza sukarrik gabe eta %96ra saturatzen du; beraz, baikortasun zuhurra izateko moduko diagnostikoa dugu" esan du Conleyk.
Mediku taldeak eman duen prentsaurrekoan, agerian geratu dira hainbat kontraesan; tartean, Trumpek noiz jaso zuen kutsatu zenaren diagnostikoa eta zer egin zuen ondorengo egunetan. Gaur jakin da, hain zuzen ere, AEBetako hauteskunde eztabaidan parte hartu zuten 11 pertsona kutsatu direla.
Albistea zabaldu eta CNN bezalako komunikabideek oihartzuna eman ondoren, Donald Trump presidentearen kontu ofizialak txio bat bota du ospitaleratuta dagoen zentroko mediku eta erizainei eskerrak emanez eta "euren laguntzarekin ongi sentitzen" dela gaineratuz.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.