Trumpek ez du porrota onartu: "Aukeraketa amaitzetik urrun dago"
"Aukeraketa bukatzetik urrun dago", ziurtatu du Donald Trump Ameriketako Estatu Batuetako presidenteak larunbat honetan. Joe Biden hautagai demokratak garaipen "faltsua azkar" aldarrikatu izana kritikatu du Trumpek.
"Denok dakigu zergatik Joe Bidenek bere burua garailetzat jo duen horrenbesteko presaz, eta zergatik ari diren bere aliatuak laguntzen hain gogor: ez dute egia azaltzerik nahi. Hauteskunde hau amaitzetik urrun dago", adierazi du Trumpek ohar baten bidez.
Buruzagia golfean jokatzen ari da bere klubean, Sterlingen (Virginia). "Joe Biden ez dute irabazletzat jo inongo estatutan, eta are gutxiago lehia estua izanda zenbaketak berriz egingo dituzte estatuetan, edo gure kanpainak auzitara eraman dituen tokietan, azken garailea baldintzatu dezake", erantsi duenez.
"Astelehenetik aurrera, gure kanpaina auzitegietan kasua defendatzen hasiko da, hauteskunde legeak guztiz bete direla eta irabazle egokia aldarrikatua dela ziurtatzeko", azpimarratu du.
Zentzu horretan, “praxi txar eta irregulartasunen akusazio sinesgarri guztiak” ikertuko dituela iragarri du Lindsey Graham Senatuko Batzorde Judizialaren presidente errepublikanoak, Pennsylvaniako posta langile baten zinpeko adierazpena jaso ondoren. Posta bidezko botoan iruzurra salatu du beharginak.
“2020ko hauteskundeen zilegitasuna bermatzeko boto irregulartasun akusazio sinesgarri guztiak ikertzea betebehar bat da”, azpimarratu du Grahamek ohar batean.
Ordu batzuk beranduago, kargua utziko duen presidenteak Twitter sare sozialean isiltasuna eten eta posta bidezko botoaren iruzurra salatu du berriro.
“Behatzaileek zenbaketa aretoetan sartzerik ez dute izan. Hauteskundeak irabazi ditut. Legezko 71.000.000 lortu ditut. Gure behatzaileei ikusteko aukera ez diete eman; gauza txarrak gertatu dira. Sekula ez da gertatu halakorik. Eskatu ez duen jendearen milioika boto posta bidez heldu dira!”, esan du Trumpek bere kontu ofizialean.
Ondoren, beste mezu batean, “legezko 71.000.000 boto, karguan dagoen presidente batek sekula lortutako boz kopururik handiena da”, azpimarratu du.
Bidenen garaipena
Joe Biden Etxe Zurirako hautagai demokratak irabazi ditu hauteskunde presidentzialak, AEBko hedabideen proiekzio ia guztien arabera.
CNN, NBC News, ABC eta Associated Pressen kalkuluen arabera, Bidenek lortu ditu jada presidente izateko beharrezkoak diren 270 botoak Pennsylvaniako estatuari zegozkion 20 botoak eskuratu ondoren. AEBko hedabideek 17:27 inguruan eman dute ezagutzera azken proiekzioa.
Publiko egin duen lehen mezuan, eskerrak eman dizkie estatubatuarrei Bidenek eta "herritar guztiak, demokratak zein errepublikanoak" kontuan izango dituela esan du.
"Amerika, ohore handia da gure herrialde handia gidatzeko aukeratu izana. Aurrean dugun lana gogorra izango da, baina hau agintzen dizuet: estatubatuar guztien presidente izango naiz, nire alde bozkatu edo ez. Nigan jarri duzuen fedearen maila emango dut", idatzi du Twitterren duen kontuan.
AEBko historian boto gehien lortu dituen presidentegaia ere bada Biden, eta berarekin batera, Kamala Harris kideak ere historia egin du, lehen emakumea izango baita AEBko presidenteorde izaten, baita kargu horretara iritsi den lehen emakume beltza ere.
Twitterren "aurrean lan handia" dagoela esan du Twitterren, eta hasteko ordua dela.
John McCainen familiak "lasaitua" hartu du
Bestalde, John McCain Arizonako senatari errepublikanoaren familiak Joe Biden demokrata zoriondu du. Meghan McCain hildako senatariaren alabak Trumpen aurkako eraso berri bat egiteko aprobetxatu ditu sare sozialak. Askotan kritikatu izan du, bere aitaren kontrako errespetu falta egotzita.
“Soilik aipu oso pertsonal bat. Lasaitu ederra hartu dut, gerra-presoak (POW's) errespetatzen dituen presidente bat izango dugulako”, adierazi du McCainen alabak Twitterren.
McCain senataria behin baino gehiagotan kritikatu du Trumpek, haren lorpen militarrak zalantzan jarriz. Vietnameko iparraldean bost urte baino gehiago preso eman zituen McCainek, baina “heroi” deitzea harritzen zuen Trump, nahiz eta bertan torturak jasan.
McCainen bizitzako pasarte gogor hori, hain zuzen, burla egiteko aprobetxatu zuen Trumpek: “Harrapatu ez zuten jendea atsegin dut (…) ez ditut galtzaileak gustuko”, adierazi zuen 2015eko hauteskunde-kanpainan.
Cindy McCain alargunak, aldiz, batasun nazionala aldarrikatu du, eta herrialdea hobetzeko elkarlana eskatu dio herriari.
“Joe Biden presidente hautetsi eta lagun-minari eta Kamala Harris presidenteorde hautetsiari zorionak. Politika atzean uzteko unea da, Amerika indartsuago bat eraikitzeko”, idatzi du senatariaren alargunak Twitterren.
Donald Trump presidentearen jarraitzaileek Cindy gogor kritikatu zuten, Alderdi Errepublikanoaren batasuna haustea leporatuta; izan ere, Bindeni babesa eman zion Etxe Zurirako lasterketan.
Zure interesekoa izan daiteke
Hamar zauritu Frantziako Oleron uhartean, nahita egin omen den harrapaketa batean
Gizon bat atxilotu dute Oleron uhartean, Frantziako mendebaldeko kostaldearen parean, hainbat pertsona "nahita" harrapatu baititu. Arroxelako Fiskaltzak jakinarazi du ikerketa abiatu duela hilketa-saiakeragatik, eta terrorismoaren aurkako fiskaltzak ez duela kasua bere gain hartu "oraingoz".
Putinek proba nuklearrei berrekiteko aukera aztertzeko eskatu die gobernukideei
Donald Trumpek arma nuklearrekin probak egiteko aukera planteatu ostean iritsi da iragarpena. Errusiako presidenteak esan du bere herrialdeak zorrotz betetzen duela proba horiek ez egiteko politika, "beste herrialdeek gauza bera egiten duten bitartean".
2040rako CO2 isurketak % 90 murriztea adostu dute EBko herrialdeek, baina malgutasunez
EBko herrialdeetako ministroek adostutako helburu lotesle horri esker, atzerriko karbono-kredituak erosi ahal izango dira isuriak murrizteko helburuaren betetzeko (% 5). Brasilen izango den COP30 Klima Aldaketari buruzko Nazio Batuen Goi-bilera hasi baino ordu gutxi batzuk lehenago egin dute akordioa.
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoia, kultura aniztasunaren aldekoa eta ezkerzale berriaren izarra da. New Yorkeko alkate berriak boto gazte eta multikulturala bereganatzea lortu du, etxebizitza eskuragarrian eta ezker demokrataren berrikuntzan oinarritutako mezuari esker.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.