Bidenek Ron Klein izendatu du gabinete buru, aurrez Obamarekin eta Clintonekin aritua
Joe Biden AEBko presidente hautatuak bere gabinete burua izango dena izendatu du: Ron Klein. Barack Obama presidente eta Joe Biden bera presidenteorde zela, Etxe Zurian lan egin zuen. 2014an esaterako, ebolaren aurkako borrokaren arduradun nagusia izan zen. Aurrez, Bill Clinton presidentearekin ere aritu zen.
Ron Klain izan da Donald Trump egungo presidentea pandemiaren inguruan egiten ari den kudeaketa gehien kritikatu duenetako bat. Are gehiago, behin baino gehiagotan izan ditu katramilatu izan da presidentearekin sare sozialetan.
Bidenek hitz onak erabili ditu Klain definitzerakoan. Haren hitzetan, aholkulari "balioezina" da, "esperientzia zabala eta askotarikoa" du, eta "Etxe Zuriko gabinete buru batek behar dituen ezaugarriak ditu, bereziki, krisi garai hauetan".
"Bere esperientzia zabala eta espektro politiko osoko pertsonekin lan egiteko duen gaitasuna da Etxe Zuriko gabinete buru batean behar dudana, krisi egoera honi aurre egin eta gure herrialdea berriro batzen dugun bitartean", esan du Bidenek.
"Ron balioezina izan da niretzat elkarrekin lan egin dugun urteetan, baita 2009an Ameriketako Estatu Batuetako ekonomia gure historiako atzeraldirik larrienetako batetik erreskatatu genuenean ere", adierazi du Bidenek urte horretako Ameriketako Estatu Batuetako Berreskuratze eta Berrinbertsio Legeari erreferentzia eginez.
Klainek 59 urte ditu eta 1989tik ari da Bidenentzat lanean. Hala ere, Bill Clinton presidentearekin (1993-2001) eta Al Gore 2000ko presidentegai demokratarekin ere lan egin zuen.
"Bizitza osoko ohorea da Biden presidente hautatua kargu honetan zerbitzatzea, eta bere konfiantzak ohoratzen nau. Berari eta presidenteorde hautetsiari Etxe Zurian lan egiteko talde talentuduna eta anitza osatzen laguntzea espero dut, bere aldaketa agendari heldu eta gure herrialdeko arrakalak ixtea bilatzen dugun bitartean", azaldu du Klainek agiri berean.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.