Gutxienez 37 pertsona atxilotu eta beste 22 zauritu dituzte Guatemalako protestetan
Gendri Reyes Guatemalako Gobernazio ministroak jakitera eman duenez, 37 pertsona atxilotu dituzte manifestazioetan. Protestek zazpi ordu baino gehiagoko iraupena izan dute. Manifestari talde bat Parlamentuan sartu zen, eta eraikinaren zati bati su eman zion. 2021ko aurrekontuen, ustelkeriaren eta Alejandro Giammattei presidentearen aurkako mobilizazioak izan dira.
Polizia Nazional Zibilak (PNC), ostera, 31 atxiloturen berri eman du. “Ekintza bandalikoak” egin izana leporatu die larunbat arratsalde eta gauean, Guatemala hiriko erdialde historikoan gertatutako liskarretan. Gainera, Poliziak izenen zerrenda bat argitaratu du. Atxilotuen artean ez dago adingaberik.
“Konstituzio Plazan modu baketsuan protesta egiteko eskubidea zuten pertsonei laguntzeko prest egon da Polizia Nazional Zibila lehen ordutik. Hala ere, erdialde historikoan eraikin publikoak eta pribatuak suntsitzen hasi da pertsona talde bat”, azaldu du Poliziak.
“Errepublikako Kongresuaren aurrera heltzean, kaputxadunek leihoak apurtu dituzte, eta eraikineko gelei su eman diete. Polizia Nazional Zibila, giza eskubideen bermatzaile, bertan zegoen, eta harriekin, makilekin eta lehergailu piroteknikoekin hartu dute. Gainera, PNCko polizia batzuk zauritu eta osasun zentroetara eraman behar izan dituzte”, erantsi du.
Poliziak ez du erasoan esku hartu, baina beranduago negar eragiteko gasa eta ur kanoiak erabili ditu. Emisoras Unidasek goizaldean bideo bat argitaratu du, non manifestarien aurkako polizien indarkeria ikusten da. Poliziak kazetari bati eraso egiten agertzen dira beste bideo batzuetan.
Guatemalako polizia tiro egiten. Argazkia: EFE
Zentzu horretan, Poliziak ehunka manifestariren aurka erabilitako “gehiegizko indarkeria” aztertzeko “ikerketa serioa” eskatu du Guillermo Castillo Guatemalako presidenteordeak.
Ministerio Publikoari (Fiskaltza) “premiazko” ikerketa egitea eskatu dio Castillok sare sozialen bidez.
Ustezko manifestariek Kongresuari nola eman zioten sua ikusita, susmo txarra hartu dio presidenteordeak. “Kongresuko suteak eta inguruan gertatutakoak zalantzak sortzen dituzte”, esan du 54 urteko abokatuak eta enpresaburuak.
“Herriaren onerako” eta Gobernuan “gauzak ongi ez daudelako” biek dimisioa ematea proposatu zion Castillok presidenteari ostiralean.
Gainera, 2021ko aurrekontuei betoa jartzea eskatu dio Castillok Giammatteiri, “irregulartasunak” dituztelako. Kongresuari itzuli eta aurrekontuak aldatu behar direla uste du. “Eraginkortasuna, gardentasuna eta austeritatea” eskatu ditu, “gehiago ez zorpetzeko”.
Aurrekontu polemikoak
Kongresuak 10.800 bat milioi euroko aurrekontua onartu zuen iragan astean, aurreko ekitaldian baino kopuru ia % 25 handiagoa.
Diru gehiena azpiegiturak eraikitzeko erabiliko dute, baina sektore pribatuaren esku utziz. Osasun zein hezkuntzako aurrekontu-sailak ez dira handiagoak izango, ezta pobreziaren eta haur desnutrizioaren aurkako aurrekontua ere.
Guatemalako biztanleen % 59,3 pobrezian bizi dira, eta haur desnutrizioak bost urtez beherakoen ia % 50ei eragiten die.
Zure interesekoa izan daiteke
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Inoizko hauteskunde polarizatuenen bigarren itzulia egingo dute igandean Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.