Covid-19aren aurkako neurriak azkarregi malgutzearen arriskuaz ohartarazi du Europak
Koronabirusaren hedatzea geldiarazteko ezarritako neurri murriztaileak azkarregi malgutzearen arriskuaz ohartarazi die Europako Batzordeak estatu kideei eta herritarrei. Murrizketek "hilabeteetan" iraun beharko dutela nabarmendu du, harik eta jendartearen gehiengoari txertoa jarri arte.
"Koronabirusaren hedatzea kontrolatzeko eta arintzeko neurriek bere horretan jarraitu behar dute datozen hilabeteetan, eta, bereziki, urte amaierako oporretan", adierazi du Stella Kyriakides Europako Osasun komisarioak, Europar Batasuneko (EB) herrialdeetako Osasun ministroekin bideokonferentzia bidez egindako bileran.
Europar Batzordeko osasun arduradunak gaineratu duenez, "gaur egungo egoera serioa, delikatua eta prekarioa da", eta Europako herrialde gehienak kutsatze kurba apaltzen ari diren arren "17 segundotik behin pertsona bat hiltzen da covid-19ak jota Europan".
"Arretarik jartzen ez badugu, elkarri eusten ez badiogu, auto-diziplinarik ez badugu eta goizegi lasaitzen bagara (...) positibo gehiago, ospitaleratze gehiago eta heriotza gehiago izango ditugu. Hau uztailean gertatu zen, eta orain ere horrela da. Hala ere, oraingoan gauzak modu ezberdinean egiteko aukera dugu", gehitu du.
"Ezin dugu onartu Gabonak eta urte amaiera gaitza hedatzeko hitzordu bihurtzea", azpimarratu du Kyriakidesek.
Covid-19aren aurkako txertoaren inguruan galdetuta, ez du lehen dosiak noiz emango diren zehaztu nahi izan. Hala ere, datorren urtearen hasiera aipatu du.
Bestalde, Europako aire nabigaziorako segurtasun agentziak eta Gaixotasunak Prebenitzeko eta Kontrolatzeko Europako Zentroak Europar Batasunaren baitan bidaiatzen duten herritarrei PCR probarik ez egiteko eta koarentena ez agintzeko eskatu die herrialdeei.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.