Hauteskundeak Venezuelan, baina oposizioko buruzagi nagusiek ez dute parte hartuko
Hauteskunde legegileak izango dira igande honetan, Venezuelan. Hauteskunde Batzorde Nazionalak ziurtatu duenez, makineria prest dago bozak egiteko, nahiz eta koronabirus pandemia izan.
20 milioi herritar baino gehiagok botoa emateko eskubidea dute, eta 277 diputatu aukeratu behar dituzte 14.400 hautagairen artean. Hala ere, oposizioko buruzagi tradizionalek ez dute parte hartuko, hauteskundeetan iruzurra izango dela iritzita.
Nahiz eta oposizioko buruzagi ezagunek parte ez hartu, haien alderdi batzuk lehiatuko dira, hori bai, Justizia Auzitegi Gorenak esku hartu ondoren.
Erakundeetatik kanporatutako militante ohiak alderdietako buruzagi izendatu zituen Gorenak, ordura arte zuzendaritzan izan ziren politikariak baztertuz. Alderdikideek ustelkeria egotzi diete zerrendaburu berri horiei.
Europar Batasunak (EB) eta Amerikako Estatuen Erakundeak ez dituzte hauteskundeak aintzat hartuko. Inkesten arabera, abstentzioa protagonista nagusia izango da.
Bestalde, 1.000 jurista baino gehiagok sinatutako adierazpen bat argitaratu du larunbat honetan World Jurist Association legelarien elkarteak, hauteskundeek “baliozkotzat jotzeko berme nahikorik” ez dutela salatzeko. Elkarteak Washingtonen du egoitza.
Igandean garaipena lortzen dutenek 2021eko urtarrilaren 5etik aurrera hartuko dituzte eserlekuak, Batzar Nazional berria osatzen denean. Nazioartearen aintzatespena lortzeko lehia izango dute ondoren Batzar Nazional berriak eta Juan Guaidoren kontrolpean dagoen Ganberak.
Guaidoren Batzar Nazionalak igandeko hauteskundeak errefusatzeko mozio bat onartu du larunbat honetan, Nicolas Maduro presidentearen Gobernuak Ganbera ordezkatu nahi duela iritzita.
Guaidoren aldeko diputatuek iragarri dutenez, lanean jarraituko dute, nahiz eta Konstituzioak legealdia bost urtera mugatu. Eurena 2016ko urtarrilean hasi zen. 50 bat herrialdek Guaido Venezuelako behin-behineko presidente bezala aitortu zuten.
Bestalde, ofizialismoak kanpaina politiko zabala egin du, elkarretaratze jendetsu ugarirekin. Exekutiboko ordezkariek elkarretaratze horietan parte hartu dute.
Nicolas Maduro Venezuelako agintariak ekitaldi batzuetan parte hartu du, eta kanpainaren azken txanpan, oposizioak irabazten baldin badu Presidentetza lagako lukeela iragarri du, baina litekeena da hori ez gertatzea.
Zure interesekoa izan daiteke
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.