Venezuelaren aurkako zigor berriak onartu ditu EBk
Europar Batasunak Venezuelaren aurkako zigor gehiago onartu ditu, eta 19 pertsona gehitu ditu zerrendan. Erabakia abenduaren 6ko hauteskundeen ostean hartu dute, estandar demokratikoak bete ez zituztela uste baitu.
Zigorren ondorioz, debekatuta dute erkidegoan sartzea eta EBn dituzten aktiboak eta ondasunak izoztuta daude.
Guztira, 55 pertsona daude zerrendan, tartean Delcy Rodriguez presidenteordea eta Diosdado Cabello, Nicolas Maduro presidentearen bigarrena.
EBko Atzerri ministroek zerrenda handitu dute, besteak beste, Indira Maira Alfonzo Izaguirre Venezuelako Hauteskunde Kontseilu Nazionaleko presidentea eta Leonardo Enrique Morales Poleo presidenteordea gaineratuta.
Halaber, urtarrilaren 5ean osatutako Asanblea Nazionaleko hainbat diputatu, Auzitegi Goreneko eta Venezuelako Auzitegi Konstituzionaleko magistratuak ere sartu dituzte bertan.
"Zerrendara gehitutako pertsonek, bereziki, oposizioaren hauteskunde-eskubideak eta Asanblea Nazionalaren funtzionamendu demokratikoa urratu dituzte, eta giza eskubideen urraketa larriak eta oinarrizko askatasunen murrizketak egin dituzte", adierazi du EBk ohar batean.
Nicolas Maduroren aldekoek kontrolatutako Asanblea Nazional berria eratu ostean, EBk ez du egungo parlamentua aintzatesten, eta Juan Guaido oposizioko buruzagiarekin lan egitearen alde agertu da hauteskundeak berriro egiteko, nahiz eta ordutik presidente gisa jotzea saihestu duen.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.