Europako Sendagaien Agentziak ostegunean hartuko du AstraZenecari buruzko erabakia

Oraingoz erabiltzea aholkatzen du, onurak kaltea gainditzen duela iritzi baitio. AstraZenecak azpimarratu du ez dagoela frogarik tronbosiak txertoarekin lotzeko.

agentziak | eitb media

2021/03/15 - 20:17

Azken eguneratzea

2021/03/15 - 21:08

Europako Sendagaien Agentziak adierazi du erakundeko adituak "zehatz" aztertzen ari direla AstraZenecarekin txertatutako pertsonen artean izan diren tronbosi kasuak eta ostegunean iragarriko duela txertoaren inguruan atera dituen ondorioak. Hala ere, oraingoz eutsi egiten dio txertoa erabiltzeko aholkuari.

Agentziak azaldu duenez, oraindik gertatutakoa ikertzen ari badira ere, uste du "AstraZenecaren txertoa covid-19ari aurre egiteko dituen onurek albo-kalteen arriskua gainditzen" dutela.

PRAC segurtasun batzordeak asteburuan aztertu ditu "tronbosiekin zerikusia duten datu guztiak" eta ostegunerako aparteko batzarra deitu du ondorioen berri emateko, hainbat estatuk sendagaiaren txertaketa eten ostean.

Hala ere, oraingoz "ez dago frogarik txertoak hori eragin duenik pentsatzeko; gainera, ez daude txertoaren albo-kalteen zerrendan".

"Txertoa jaso dutenen artean izan diren tronbosi kopurua ez da jaso ez dutenen artean baino altuagoa", azpimarratu du agentziak, AstraZenecaren txertoarekin immunizatuta dauden 5 milioi pertsonetatik 30ek tronbosia izan dutela jakin ostean.

Munduko Osasun Erakundearen bilera, asteartean

Bestalde, Munduko Osasun Erakundearen (MOE) aditu talde batek bilera egingo du astearte honetan AstraZenecaren txertoaren segurtasuna "sakonago" aztertzeko.

Horixe jakinarazi du Mariangela Simaok, MOEren Sendagaien arduradunak, prentsaurreko batean, eta gogorarazi du erakundea txertoa "ikertzen" ari dela eta "harreman estuan" dagoela Europako Sendagaien Agentziarekin.

"Tronbosi guztiak ikertzen ari gara, eta bestelako albo kalteak ere bai. Bihar bilera egingo dugu eta aztertu egingo ditugu aurreko astetik ditugun gauza guztiak ikerketa sakonagoa egiteko", azaldu du Simaok, aste honetan "albiste gehiago" izango direla aurreratu baino lehen.

Aurreko ostiralean erakundeak aurreratu zuen ez dagoela "arrazoirik" AstraZenecaren txertoa ez erabiltzeko. "Egunero hiltzen da jendea, ondorioz, normala da immunizatutako jendea ere hiltzea. Ditugun txostenetan ez da harreman zuzenik agertzen tronbosiekin, txertoa jaso ez dutenen artean ere antzeko portzentajea dagoelako", adieraiz zuen.

"Ez dago frogarik"

AstraZeneca konpainia suediar-britainiarrak igandean esan zuen ez dagoela "frogarik" txertoak odolbilduak eragiten dituela esateko, nahiz eta herrialde batzuek txertoa ez emateko erabakia hartu duten horrexegatik.

Enpresak ziurtatu du Erresuma Batuan eta Europar Batasunean txertoa jaso dutenen datuen "azterketa zehatza" egiten ari dela.

"Europar Batasuneko eta Erresuma Batuko 17 milioi pertsona inguruk jaso dute dagoeneko txertoa, eta odolbilduen kasu kopurua gainerako herritarren artean ematen dena baino txikiagoa da", azaldu du enpresak Ann Taylor medikuntza buruak sinatutako ohar batean.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Zure interesekoa izan daiteke

GAZA (-), 20/12/2025.- Members of the Palestinian Civil Defense remove the rubble of a destroyed home as they search for the bodies of Palestinians killed during the conflict in Khan Younis, southern Gaza Strip, 20 December 2025. The Civil Defence in the Gaza Strip is carrying out operations to recover the bodies of Palestinians buried beneath the rubble of homes destroyed during Israeli strikes on Gaza, estimating that nearly 100 bodies remain unrecovered. More than 70,000 Palestinians have been killed in the Gaza Strip since October 2023, according to the Palestinian Ministry of Health, and about 1,200 Israelis have been killed since the launch of an Israeli military campaign in response to a cross-border attack by Hamas on 07 October 2023. EFE/EPA/HAITHAM IMAD

Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute

Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.

Gazarako su-etenak bueltan ekarri ditu Gabon ospakizunak Betleemera

Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.

HANDOUT - 23 December 2025, United Kingdom, London: A Handout photo issued by Prisoners for Palestine shows climate activist Greta Thunberg being detained by City of London Police officers during a protest in support of the Palestine Action protesters on hunger strike in prison. Photo: Handout/Prisoners For Palestine/Prisoners for Palestine via PA Media/dpa - ATTENTION: editorial use only in connection with the latest coverage about (the transmission/the film/the auction/the exhibition/the book) and only if the credit mentioned above is referenced in full

Greta Thunberg atxilotu dute Londresen, kartzelan dauden Palestine Actioneko kideen aldeko protesta batean

Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.

Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura

Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.

MOSCOW (Russian Federation), 22/12/2025.- Russian investigators work near a destroyed car after a blast from an explosive device planted beneath the vehicle in a residential area of Moscow, Russia, 22 December 2025. The head of the Russian General Staff's Operational Training Directorate, Lt. Gen. Fanil Sarvarov, was killed in a car explosion in Moscow, the Russian Investigative Committee reported. (Rusia, Moscú) EFE/EPA/MAXIM SHIPENKOV

Errusiako Estatu Nagusiko operazio burua hil dute Moskun, bonba-auto batekin egindako atentatu batean

Hasiera batean, Errusiako Instrukzio Batzordeak Ukrainako inteligentziari egotzi dio erasoa.

IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan

Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.

Este de Jerusalem y asentamiento de Ma'ale Adumim Israel

Israelek beste 19 kokaleku legeztatu ditu Zisjordanian

Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.

AEBk hirugarren petrolio-ontzi bat atxiki du Venezuelan

Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.

130.000 pertsona inguru argindarrik gabe geratu dira San Frantziskon

Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.

Bekkersdal (South Africa), 21/12/2025.- A handout photo made available by South African Police Services (SAPS) shows the overnight shooting crime scene in Bekkersdal, South Africa, 21 December 2025. The incident occurred around 01 am on 21 December, when at least nine people were killed and ten others injured as two vehicles approached the tavern and opened fire. (Sudáfrica) EFE/EPA/SOUTH AFRICAN POLICE SERVICES / HANDOUT BEST QUALITY AVAILABLEHANDOUT EDITORIAL USE ONLY/NO SALES

Gutxienez bederatzi pertsona hil eta hamar zauritu dituzte Johannesburgetik gertu egindako eraso batean

Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.