Itsaspeko baten 53 tripulatzaileak hil dira Indonesian, ur azpian desagertuta
53 tripulatzaile zeramatzan itsaspekoa desagertu zen asteazkenean Indonesian, Bali inguruan maniobra militarrak egiten ari zela, eta geroztik, haren bila zebiltzan. Atzo aurkitu zuten eta gaur inor ez dagoela bizirik jakinarazi dute. Hadi Tjahjanto Indonesiako Indar Armatuen Estatu Nagusiko buruak baieztatu duenez, 'KRI Nanggala 402' itsaspekoaren 53 tripulatzaileak hil egin dira.
Erreskate taldeek itsaspekoaren zati batzuen "irudiak" lortu dituzte, hala nola, atzeko lema bertikala, aingura batzuk eta kanpoko kroskoaren sekzioak.
"Benetako frogetan oinarrituta, 'KRI Nanggala 402' hondoratu egin da eta tripulazioko kide guztiak hil egin dira", azaldu du Indonesiako arduradun militar nagusiak prentsaurreko batean.
Erreskatatzaileek aurkitutako itsaspekoaren txaleko bat erakutsi dute prentsaurrekoan, normalean larrialdietarako kutxa batean gordeta egoten dena; eta beraz, militarren batek ireki zuela uste da, baina ez zuela jantzi.
Ezbeharra izan duen urpekoa Balitik 95 kilometrora aurkitu dute, 850 metroko sakoneran, 250-500 metroko gehienezko sakonerarako diseinatuta dagoenean. Gainera, hiru zatitan aurkitu dute: kaskoa, txopa eta zati nagusia.
Gertakaria ikertzen ari dira, baina, oraingoz, baztertu egin dute giza akats bat egotea atzean, prozedura guztia egokia izan baitzen urperatzeko unean, adituen arabera.
Orain helburua itsaspekoa berriz flotaraztea da, baina kasuaren berezitasunak direla eta, zaila omen da egokia den metodo bat erabakitzea.
Baieztapen ofizialaren aurretik, Joko Widodo Indonesiako presidenteak doluminak eman zizkien jada 53 marinelen familiei.
Albiste gehiago mundua
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.