AEBn ez dute aire zabalean musukoa erabili beharko txertoarekin immunizatutakoek
AEBko Gaixotasunen Prebentziorako eta Kontrolerako Zentroek (CDC) erabaki dute txertaketa osoa jaso duten herritarrek ez dutela musukoa erabili behar izango aire zabalean, kasu gehienetan, ekitaldi jendetsuetan izan ezik.
"Egoera asko daude txertaketa osoa jaso dutenek musukoa erabili behar ez dutena, bereziki aire zabalean", adierazi du Rochelle Walensky CDCren zuzendariak, Etxe Zurian emandako prentsaurreko batean.
"Hainbat ikerketatan jasotako kutsatzeen % 10 baino gutxiago gertatu ziren aire zabalean", gaineratu du CDCren arduradunak.
CDCrenak aholkuak dira, ez dira derrigor bete beharrekoak, eta herrialdeko adin nagusiko herritar % 37 erabat txertatu direnean eta % 54k gutxienez dosi bat jaso dutenean iritsi dira.
Musukoa erabili behar ez izateko, covid-19aren aurkako beharrezko dosi guztiak jaso behar dira, eta azkenekoa jaso zutenetik bi aste igaro behar dira, eragina izateko.
Ordutik aurrera, estatubatuarrak ez dira musukoa erabiltzera derrigortuta egongo aire zabalean oinez, korrika edo bizikletan ibiltzeko, bakarrik edo beste pertsona batzuekin batera.
CDCk ez du zehaztu elkarrekin bizi direnei soilik eragiten ote dien neurriak, baina ez da erabili beharko aire zabalean egiten diren afari edo bestelako bilkuretan, bizikideak izan edo ez kontuan izan gabe.
Dena dela, musukoa erabiltzea aholkatu dute jendetza handia elkartzen den aire zabaleko ekitaldietan: kontzertuak, desfileak, kirol ekitaldiak…
Era berean, musukoa erabiltzen jarraitu beharko dute leku itxietan: tabernetan, jatetxeetan, museoetan, etab. Garraio publikoan eta immunizatu gabeko jendea dagoen barruko bilkuretan bezalaxe.
Albiste gehiago mundua
Zuloa egin da ospitale baten aurrean Bangkoken, eta dozenaka gaixo atera behar izan dituzte
Kolapsoak 50 metroko sakonera, 30 metroko zabalera eta 30 metroko luzera dituen zulo bat ireki du, eta ospitalearen aurrean aparkatuta zegoen garabi bat irentsi du. "Hasiera batean, uste da lur mugimendu batek eragin duela zuloa, eta lurpeko ura pilatu dela tunelaren eta geltokiko hormaren artean", adierazi du Bangkokeko Administrazioak, ohar bidez.
Donald Trumpek NBEn botatakoek hautsak harrotu dituzte
AEBko presidenteak hitzaldi garratz-mina egin du New Yorkeko Nazio Batuen egoitzan. Besteak beste, NBE erakundearen beraren aurka egin du, klima aldaketa zalantzan jarri du eta "zazpi hilabetean zazpi gerrari" amaiera eman diela esan du.
Margarita Roblesen hegazkinaren GPSa itzalarazten saiatu dira, Kaliningradetik gertu zegoela
Ohikoa da Kaliningradetik gertu dabiltzan nabigazio-gailuak "perturbatzen" saiatzea; Polonia, Lituania eta Itsaso Baltikoaren artean dagoen Errusiako enklabea da. Inzidentziak ez du kaltertik eragin hegaldian.
Macronek Palestinako Estatua aitortzearen alde egin du Trumpen aurrean
Israel Gazako Zerrendan egiten dabilen erasoa amaiera emateko "ikuspegi politikoa" izan behar dela nabarmendu du Frantziako presidenteak.
NBEren egoitzako eskailera mekaniko bat Trumpen aurrean gelditu izana ikertuko du AEBko Zerbitzu Sekretuak
New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"
Txina prest, Ragasa supertifoiari aurre egiteko
Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.
Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.