Pfizerren eta AstraZenecaren dosi bakarrarekin infekzioak % 65 murriztu dira
Pfizer-BioNTech eta AstraZeneca txertoen eraginkortasunari buruzko bi ikerketa egin dituzte Oxfordeko Unibertsitateak, Erresuma Batuko Gobernuak eta Estatistika Bulegoak elkarlanean.
Lehendabiziko analisiak erakutsi du bi txerto horien dosi bakarra hartu eta 21 egunetara kasu positiboak % 65 murriztu direla. Zehazki, beherakada % 72koa izan da positibo sintomatikoen artean, eta % 57koa asintomatikoei dagokienez.
Halaber, bigarren dosia hartu ostean, positibo berrien jaitsiera % 70ekoa da asintomatikoen kasuan eta % 90ekoa sintomatikoen artean. Onurak antzekoak dira adin talde guztietan, eta txertoak eraginkorrak dira andui britainiarraren aldaera ezberdinen aurrean.
Ikerketa honetan 373.402 pertsonak hartu dute parte eta, guztira, 1.610.562 lagin aztertu dituzte, 2020eko abenduaren 1etik 2021eko apirilaren 3ra bitartean.
Bigarren ikerketan AstraZenecaren eta Pfizer-BioNTech txertoen dosi bakarrarekin zenbat antigorputz sortzen diren aztertu dute.
Batak eta besteak eragiten dituzten erantzun immunologikoak pixka bat ezberdinak badira ere, bi txertoek ahalmen bera dute infekzioak murrizterakoan.
Aurrez covid-19arekin kutsatuta egon direnen kasuan, pertsona nagusiek, batez ere 60 urtetik gorakoek, antigorputz gutxiago sortzen dituzte dosi bakarra hartuta.
Halaber, AstraZenecaren lehenengo dosiarekin antigorputzak astiroago eta gutxiago sortzen dira. Alabaina, Pfizer-BioNTech txertoaren dosiarekin sortutako antigorputzak azkarrago desagertzen dira. Beraz, bi kasuetan antzeko maila bera lortzen da dosi bakarra hartuta.
Albiste gehiago mundua
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklear bat jaurti zuela 80 urte igaro direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.