Juana Ruiz langile humanitarioak atxilotuta jarraituko du Israelen
Israelgo gorte militar batek Juana Ruiz Sanchez apirilaren 13an atxilotu zuten langile humanitarioak atxilotuta jarraituko duela erabaki du, osteguneko saioan haren kontrako kargu formalak aurkeztu arte, bere abokatuak berri agentziei baieztatu dienez.
Fiskal militarrak zenbait egun eskatu zizkion epaileari osteguneko inputazioa zehazteko.
Ruiz Sanchezek 62 urte ditu, Zisjordania okupatuan bizi da eta palestinar kristau batekin ezkonduta dago. Duela hamarkada batzuetatik, Osasunerako Lan Batzordeen proiektuen koordinatzaile gisa lan egiten du. GKE palestinar horrek laguntza ematen die herritarrei osasunaren eta garapenaren arloan, eta, aldi berean, haien eskubideen alde borrokatzen da.
Atxilotu zutenetik ez dute kargu formalik aurkeztu. Izan ere, Israelgo lege militarraren arabera, 75 egunera arte manten dezakete pertsona bat atxilotuta, galdekatzeko.
Israelek, AEBek eta Europar Batasunak terroristatzat jotzen duten Palestina Askatzeko Fronte Popularra (FPLP) finantzatzen lagundu zuela uste du Israelgo Armadak, dirua garbitzeko balio izan zuen plan batean susmagarri gisa.
"Juana beste edozein atxilotu palestinar bezala tratatzen ari dira, agindu militar baten pean, espainiar herritarra izan arren", adierazi du Sahar Francis Zisjordaniako familiaren bozeramaile eta preso palestinarren eskubideak defendatzen dituen Addameer gobernuz kanpoko erakundeko zuzendariak.
Juana askatzeko kanpaina handia egin da azken egunotan Espainian eta hainbat politikarik zein giza eskubideen aldeko erakundek parte hartu dute. Asteartean, Arancha Gonzalez Laya Espainiako Atzerri ministroak esan zuenez, auziaren ikerketa laster amaitzea espero zuen, eta langile humanitarioak zehatz-mehatz jakitea zer leporatzen dioten, "zerbait leporatzen badiote".
Juana Ruiz 2006an, ETB2ko El Punto saioan elkarrizketatu zutenean.
Zure interesekoa izan daiteke
Zergatik nahi du Trumpek Groenlandia?
Donald Trump AEBko presidenteak Groenlandia bereganatzeko duen interesaren atzean dauden arrazoiak azaldu ditu bideo honetan Mikel Reparaz EITBko nazioarteko buruak.
Etxe Zuriak ziurtatu du "erabateko eragina" duela Venezuelako behin-behineko Gobernuan
Bien bitartean, Petroleos de Venezuela (PDVSA) enpresa publikoak iragarri du negoziazioak hasi dituela AEBkin, petrolioa saltzeko.
Denboraleak zuriz jantzi du Europa
Esloveniatik hasi eta Erresuma Batura, elurra eta izotza izan dira nagusi Europa osoan egunotan. Meteorologiak gozamenerako aukera eman dio askori: argazkiak atera, paseoan edo kirola egiten gozatu... Hala ere, arazo batzuk ere sortu ditu elurrak, Frantziak batik bat.
AEBk Venezuelarekin lotutako eta zigortutako beste petrolio-ontzi bat atzeman du, Karibetik gertu
Ameriketako Estatu Batuetako Hegoaldeko Komandoak jakitera eman duenez, Kostazainek beste petrolio-ontzi bat atzeman dute Karibean. Kristi Noem AEBko Segurtasun Nazionaleko idazkariaren arabera, ontzia "Venezuelan porturatu zen azkeneko aldiz edo harantza zihoan".
Errusiako petrolio-ontzi bat atzeman du AEBk, "arau estatubatuarrak urratzeagatik"
Berehala etorri da Errusiako Gobernuaren erantzuna, eta petrolio-ontzia legez kanpo atzeman dutela salatu du, Nazio Batuen 1982ko Konbentzioa —itsaso zabaleko nabigazioari buruzkoa— urratuta.
NATOk gogorarazi duenez, "aliatu baten segurtasuna eta guztion segurtasuna banaezinak dira"
Aliantzak defentsa kolektiboa nabarmendu du, AEBk Groenlandiari buruz egindako adierazpenak eta Artikoan gero eta interes estrategiko handiagoa dagoela ikusita.
Agustin Otxotorena, Venezuelan bizi den euskalduna: "Nolabaiteko normaltasuna dago; oposizioaren gehiengoa ere haserre dago"
Bost egun igaro dira Maduro harrapatzeko AEBren erasotik, eta Agustin Otxotorenak, duela 15 urtetik Caracasen bizi den euskal enpresariak, herrialdean nola bizitzen ari diren eta venezuelarren egunerokoa nolakoa den kontatu digu.
Trumpek Groenlandia erosi nahi du, baina ez du baztertzen lurraldea bereganatzeko indarra erabiltzea
Venezuela ahaztu gabe, Trump Groenlandiara begira jarri da berriro. Bien bitartean, Estatu Batuek gidatuko dute trantsizioa Venezuelan eta Trumpek iragarri du Delcy Rodriguezen gobernuak Estatu Batuen esku utziko dituela 30-50 milioi petrolio upel.
Bi hildako eta 50 zauritu inguru Landetan, A-63 errepidean, hainbat ibilgailuren arteko istripu batean
Flixbus konpainiako bi autobusek istripua izan dute. Ondorioz, 50 bat ibilgailuk talka egin dute, bi pertsona hil eta 50 pertsona inguru zauritu dira.
Europako herrialdeek Groenlandiako subiranotasunaren eta egungo mugen alde egin dute, NATOko kide gisa
Besteak beste, Espainiak, Frantziak eta Danimarkak babestu dute adierazpena. Esan dutenez, AEB "funtsezko bazkidea" da Artikoa "seguru" mantentzeko, baina adierazpena Donald Trumpek lurraldea bereganatzeko egindako mehatxuen ostean iritsi da.