Nyiragongoren erupzioak gutxienez 15 hildako utzi ditu Kongon
Nyiragongo sumendiaren erupzioak arazoak sortu ditu Kongoko Errepublikan. Horrela, gutxienez 15 pertsona hil dira. Hala ere, erupzioak ez du Goma hiria harrapatu, herrialdeko hiririk jendetsuenetariko bat.
"Laba Buhenen gelditu da, Gomako kanpoaldean. Hiria salbatu da", adierazi du Constant Ndima jeneralak, Iparraldeko Kivu probintziako gobernadore militarrak, Actualite bertako albiste atariak jakitera eman duenez.
Bederatzi pertsona Sakeko errepidean gertatu den ezbehar batean hil dira, Goma hiriaren ebakuazioan, eta beste bi herritar kiskalita zendu dira.
Era berean, "lau preso Gomako Munzenze espetxetik ihes egiten saiatu dira, eta euren heriotzarekin amaitu da ihesaldia", jakitera eman du Exekutiboak.
Etxeak suntsitu ditu Buhenen
Nahiz eta Goman kalterik ez utzi, erupzioak kalte material handiak eragin ditu inguruko herrietan, Buhenen bereziki, non sumendiaren labak etxeak birrindu dituen.
Azken orduetan 5000 pertsona baino gehiagok ihes egin dute, baina dagoeneko Gisenyitik (Ruanda) itzultzen hasi dira.
Nyiragongo sumendiaren azken erupzioa 2002an gertatu zen. Orduan labak Gomako eremu zabalak suntsitu zituen. 250 pertsona inguru hil ziren, eta erupzioak 120.000 pertsonaren etxebizitzak birrindu zituen.
Herritarrak Goma hirian (Kongo), Nyiragongo sumendiak eragindako argiarekin. Argazkia: EFE
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.