G7a enpresei mundu mailan gutxieneko zerga bat ezartzea negoziatzen ari da
G7ko ministroek zergen erreforma bat negoziatuko dute asteburu honetan, Londresen. Datozen asteetan negoziaketek jarraituko dute G20an, baita Ekonomia-Lankidetza eta Garapenerako Erakundearen baitan ere. Akordioa datorren udazkenean gauzatu daiteke.
Espainiak, Alemaniak, Frantziak eta Italiak, goi-bilera hasi baino ordu batzuk lehenago, gutun bat sinatu dute, XXI. mendean egokiagoa izango litzatekeen nazioarteko zerga sistema berri baten alde agertzeko. Gutxieneko bazkun-zerga unibertsal bat proposatu dute.
Zazpi herrialde aberatsenen (AEB, Japonia, Alemania, Frantzia, Erresuma Batua, Italia eta Kanada) Finantza ministroak bildu dira Londresen.
Nahiz eta elkarrizketako aurrerapausoak azken agiri batean jasotzea espero, aurreneko fasea baino ez litzateke izango. Lehendabizi, G7ko buruzagien goi-bilerak berretsi beharko luke ekainaren 11tik 13ra bitartean.
Eztabaida teknikoak duela bi urte hasi ziren Ekonomia-Lankidetza eta Garapenerako Erakundearen markoan. 140 herrialde baino gehiagok osatzen dute, eta ekainaren 30ean eta uztailaren 1ean berriz biltzea espero da.
Erabakiak adostasunez hartzen dira bertan; ondorioz, teorikoki edozein aldek akordioa blokeatu dezake. Baina praktikan, herrialde txikiren bat babesa zabala jaso duen akordio baten aurka agertzea ez du inork imajinatzen.
Horretarako, G20an gertatzen dena funtsezkoa izango da. Uztailaren 9tik 10era Ekonomia ministroak bilduko dira Venezian, eta ondoren Erromak goi-bilera hartuko du urriaren 30ean eta 31n.
Foro horretan ez dira bakarrik herrialde aberatsenak izango, ekonomia handi azaleratu berriek ere (Txina, India edo Brasil esaterako) hartuko dute parte. Hala ere, G7aren eta G20aren oniritzia ezinbestekoa da, baina ez nahikoa.
Zergak saihestea
Helburua multinazional handiek zergak ez saihestea da; izan ere, zerga oso baxuak eskaintzen dizkieten tokietan gordetzen dituzte etekinen zati handi bat.
Praktika horiek legezkoak dira, baina iritzi publikoarentzako eta zenbait Estaturen kutxentzako jasangaitzak dira honezkero, krisiak zorra ikaragarri areagotu baitu.
Eztabaidak bi ardatz ditu. Aurrena, enpresa digital handiek, nahiz eta presentzia fisikorik ez izan, negozioa egiten duten herrialdeetan zerga ekarpena egitea bermatzea.
Dispositibo berriaren aurrean zergak ordaindu beharko lituzketen enpresen tamaina (jarduera eta/edo etekinak) eztabaidatzen ari dira, eta mozkinaren zer zati berriz banatu beharko luketen. Guztira, 100 bat konpainia izango lirateke.
Azken asteetan % 20 errentagarritasun baten inguruan hitz egin dute buruzagiek. Kopuru horren gainetik guztia ordaindu beharko luke enpresak, ez egoitza formala duen tokian, bezeroak dituen herrialdeetan banatuz baizik.
Banatzeko zenbatekoa % 20 ingurukoa izatea eztabaidatu omen dute.
Bigarren ardatza multinazionalei gutxieneko zerga bat ezartzea litzateke. Hasiera batean, Joe Bidenen Administrazioak % 21eko zerga jarri zuen mahai gainean, baina herrialde barruko presioaren ondotik, % 15ean utzi du.
Zure interesekoa izan daiteke
Netanyahuk iragarri du "berehala" iritsiko dela Hamasen armagabetzea ekarriko duen su-etenaren bigarren fasea
Bestalde, Hamasek jakinarazi du Gazan bahituta zuen azken israeldarraren gorpua entregatuko duela gaur arratsaldean, su-eten akordioari men eginda.
Gutxienez 25 pertsona hil dira diskoteka batean izandako sutean, Indian
Sutea Goa estatuko Arpora udalerriko eremu turistiko batean gertatu da. Poliziak ikerketa abiatu du gertatutakoa argitzeko.
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.