Tunisiako presidenteak lehen ministroa kargutik kendu, eta Parlamentua bertan behera utzi du
Kais Said Tunisiako presidenteak Hichem Mechichi lehen ministroa kargutik kendu, eta Parlamentua 30 egunez bertan behera uztea iragarri zuen atzo, igandean. Horrez gainera, diputatu guztien immunitatea kentzea agindu du, "bake soziala berreskuratzeko, eta Estatua eta gizartea salbatzeko".
"Konstituzioak ez dit Parlamentua desegiteko aukerarik ematen, baina ez dit bertan behera uztea eragozten", esan zuen agintariak Armadako eta segurtasun indarretako goi-kargudunekin egindako premiazko bileraren ostean.
Saidek azaldu duenez, berak zuzenean izendatutako lehen ministro berri baten laguntzarekin gidatuko du Gobernua trantsizio garaian. Horretarako, Konstituzioaren 80. artikulua erabiliko duela adierazi du; hau da, "berehalako arriskua" izanez gero, presidenteak "ezohiko" neurriak har ditzake, Gobernuko buruarekin eta Parlamentuko presidentearekin kontsulta egin ondoren.
Agintariaren arabera, helburua da botere publikoaren funtzionamendua normalizatzea "ahalik eta lasterren", eta Konstituzio Auzitegiak, berriz, prozesu hori gainbegiratu eta horren hedapenari buruzko erabakia hartu beharko du. Hala ere, auzitegi hori 2015etik dago osatzeke.
Oposizioak erabakia kritikatu, eta "estatu kolpea" dela salatu du
Ennahda alderdiak, Parlamentuko indar nagusiak, agintariaren erabakia "estatu kolpea" izan dela salatu du, eta "iraultza salbatzeko" manifestazioa egiteko eskatu zien atzo herritarrei. "Tunisiako demokraziaren eta bere konstituzioaren aurkako kolpea da. Tunisia da Udaberri Arabiarraren lekuko arrakastatsu bakarra, eta historia hau ez da hemen amaituko", adierazi zuen igandean ohar batean.
Hala ere, Ennahda alderdiaren hainbat egoitzari eraso eta su eman zieten igandean, estatu osoan osasun-krisiaren kudeaketa eta bizi-baldintzen narriadura kritikatzeko Gobernuaren dimisioa eta Parlamentua desegitea eskatzeko egin ziren manifestazioetan.
Tunisiak 2011n hasi zuen bere trantsizio demokratikoa, "Jazminen iraultza" izenekoarekin, Zine El Abidine Ben Aliren diktaduraren bi hamarkadei amaiera eman ziena. Ordutik, krisi ekonomiko eta soziala are gehiago okertu duten hamar gobernu izan dira bertan.
Zure interesekoa izan daiteke
Bi egunez luzatu dute Flotillako bi aktibisten atxiloaldia
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
Trumpek esan du AEBk "5.000 militar baino askoz gehiago" erretiratuko dituela Alemaniatik
Bestalde, Iranek gerrarekin amaitzeko bidali dion plana laster aztertuko duela adierazi du.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.