Putinek eta Merkelek talibanekin hitz egiteko beharra onartu dute, Afganistango etorkizuna dela eta
Datozen egun edo asteetan talibanekin elkarrizketa abiatu beharko dutela onartu dute Vladimir Putin Errusiako presidenteak eta Angela Merkel Alemaniako kantzilerrak ostiral honetan, Kabul hiriburuaren konkistaren ondoren, Afganistango herritarren segurtasuna bermatzeko asmoz.
"Talibanek herrialdea kontrolatu dute, eta errealitate hori izan behar dugu gogoan", esan du Putinek. Testuinguru horretan, Merkelek bat egin du iritzi horrekin, eta talibanek "nahi baino babes handiagoa" izan dutela nabarmendu du.
"Haiekin hitz egin beharko dugu", adierazi du Merkelek, bi agintariek Moscun egin duten bileraren ostean kazetarien aurrean egindako agerraldian. Ildo horretatik, NATOk Afganistanen 20 urtez egindako "operazioan" Alemaniarekin elkarlanean aritu zirenei laguntzea da orain Berlinen lehentasuna.
Horrez gain, Putinek talibanen eta Sobietar Batasunaren arteko gatazka ekarri du gogora. Bere iritziz, 2001ean hasi zen Ameriketako Estatu Batuen (AEB) inbasiotik sortu zen sistema politikoa ez dela herrialdearen errealitatera egokitzea lortu nabarmendu du.
"Afganistan ezagutzen dugu, ondo baino hobeto. Herrialdea nola antolatuta dagoen ohartu gara, eta gobernu zein bizitza publikorako ezohiko moduak inposatzen saiatzea kaltegarria da", gaineratu du Putinek. Dena dela, talibanei gogora ekarri die herritarren eta atzerriko misio diplomatikoen segurtasuna bermatzeko konpromisoa hartu dutela. "Hala izatea espero dut", gaineratu du.
"Beste kide batzuekin batera, hala nola, AEBrekin eta Europako herrialdeekin batera, errusiarrok gure esku dugun guztia egin behar dugu Afganistani babesa helarazteko, herrialde horretako egoera normalizatzeko eta harreman onak izateko", gaineratu du Putinek.
Urtebete Navalni pozoitu zutenetik
Bestalde, Merkelek Navalniri buruz hitz egin du, duela urtebete pozoitu baitzuten, Siberian. "Navalni askatzeko eskatu dut", esan du Alemaniako kazetari bati erantzunez. Otsailean espetxeratu zuten.
Putinek, bestalde, orain arte esandakoa berretsi du: "Ez dago bere zeregin politikoengatik zigortuta".
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.