Ida urakana 241 kilometro orduko haize-ufadekin iritsi da Louisianara
Ameriketako Estatu Batuetako (AEB) Hurakanen Zentro Nazionalak (NHC, ingelesezko sigletan) jakitera eman duenez, Ida urakana orduko 241 kilometroko haize-ufadekin iritsi da Louisianara igandean. Hori dela eta, alerta ezarri du, datozen orduetan itsasgorak, uholdeak eta haize-bolada bortitzak eragin ditzakeelako, eta, ondorioz, kalte handiak eragin. Gainera, indarra hartu du Mexikoko Golkoko iparraldeko kostaldera iritsi ondoren.
Ida urakana Saffir-Simpson eskalako 4. kategoriara iritsi da jada. Hain zuzen ere, Mississippi ibaiak itsasoarekin bat egiten duen eremutik 120 km hegoaldera eta Houmatik 235 km hego-ekialdera dago, Louisianan, eta 240 km/h-ko haize-bolada iraunkorrekin eta gero eta haize-bolada indartsuagoekin doa ipar-mendebalderantz.
AEBko Hurakanen Zentro Nazionalak azaldu duenez, Ida urakanak indarra hartzen jarraituko du datozen 12 orduetan, urakan "oso arriskutsu" bihurtzeraino. Hala, Louisianako zenbait eremutara eta Mississippiko mendebaldera joango da.
Aurreikuspenen arabera, Idak itsasikara arriskutsua ekarriko du, itsasgorarekin batera. Horrela, itsasertzetik gertu dauden eremuak urez betetzeko arriskua dago.
Hain zuzen ere, Ida urakanarekin lotutako ohartarazpenak indarrean daude Louisianan, Mississippin eta Alabaman. Gainera, New Orleansen beste abisu bat eman dute, urakanaren arriskuagatik.
Era berean, Idak uholde larriak eta potentzialki hilgarriak eragin ditzake. Arriskuak igandean eta astelehenean Mexikoko Golkoko iparraldeko kostaldean sor daitezkeen tornadoekin bat egingo luke.
Horrela, duela 16 urte hiria suntsitu zuen Katrina urakanarekin gertatutakoa gogoratuz, milaka herritar autobideetan pilatzen ari dira, iparralderantz joateko asmoz. Bitartean, Ida urakana azkar indartzeak dakarren arriskuaz ohartarazi dute tokiko agintariek.
2005eko abuztuaren 29an, Katrinak 1.800 hildako baino gehiago utzi zituen New Orleansen, Pontchartrain lakuko euste-dikeak hautsi ondoren.
Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".