Erresuma Batuak aitortu du gasolindegietako eskasiak beste astebete iraun dezakeela
Erresuma Batuko Gobernuak aitortu du garraiolarien faltagatik eta eskaeraren aparteko gorakadagatik gertatu den gasolindegietako hornidura eskasiak beste astebete iraun dezakeela, baina berretsi du "egonkortzen" ari dela egoera.
BBCn egindako adierazpenetan, Kit Malthouse Estatu idazkariak adierazi du krisiaren arrazoia banaketa arazo bat dela, petrolio guneetan ez dagoela hornidura faltarik.
Boris Johnson lehen ministroaren Gobernuak espero du egoera egonkortu egingo dela "eskaria eta eskaintza orekatu ahala", erregairik gabe geratzeko beldurrez gasolindegietan auto-ilara luzeak daudelako.
Gobernuak esan du Armadako 150 gidarik lagunduko dutela banaketa lanetan, eta Estatuarenak diren zisterna kamioiak ere jarri ditu martxan.
Garraiolarien gabezia konpentsatzeko, gobernu kontserbadoreak 5.000 behin behineko bisa emango dizkie atzerriko langileei, baina 100.000 omen dira behar dituztenak.
Gainera, eta sindikatuak aurka agertu badira ere, urriaren 31 arte luzatu dute kamioilariei ordu gehiago gidatzeko emandako baimena.
Gabonetarako bisak
Garraiolari eta langile kualifikatu andana falta da Erresuma Batuan, eta ekonomiaren zenbait alorri eragiten die egoerak. Horregatik, Gabonetan ostalaritzan langile eta hornikuntza beharrak ez asetzearen beldur dira.
Hala, Gobernua 1.000 atzerriko harakini premiazko bisak ematea aztertzen ari da, Gabonetako ohiko jakien eskaintzarekin egon daitezkeen arazoei aurre egiteko, The Times egunkariak gaur zabaldu duenez.
Aipatu iturriaren arabera, Gobernuak sektorearen beharrei erantzun nahi badie ere, Priti Patel Barne ministroaren neurrien aurka dago, langile europarren zirkulazio librerako lehenengo pausotzat dutelako, eta hori galdutako eskubide bat da Erresuma Batua EBtik atera zenetik.
Zure interesekoa izan daiteke
Schengen eremua bermatuta dagoela esan dio Aagesenek Italiari
Espainiako Gobernuko presidenteordeak azpimarratu du Ceutan sartutako migratzaileetako bat ere ez dela penintsulara iritsi.
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.