Alemaniako Elizan izandako sexu-abusuen aurrean ezer egin ez izana egotzi diote Benedikto XVI.ari
Benedikto XVI.a aita santu emerituak Alemaniako Eliza katolikoaren baitan gazteei eta adin txikikoei egindako sexu-gehiegikerien berri bazuela eta horietako batzuk gelditzeko aukera izan arren ez zuela ezer egin erakutsi du ostegun honetan publikatutako ikerketa batek.
Ikerketa Municheko Artzapezpikutzak agindu zuen eta hiri horretako abokatu talde batek egin du. Dokumentuak 1.700 orrialde baino gehiago ditu, eta 1945 eta 2019. urteen artean izandako sexu-abusuak biltzen ditu.
Joseph Ratzinger Munich eta Freising hirietako artzapezpikua izan zen 1977 eta 1982 bitartean, eta, gutxienez lau kasu ezagutu zituela baina erasoak amaitzeko ez zuela ezer egin ebatzi dute.
Dokumentuan, ehunka kasu aipatzen dira, eta egoerak eskatzen zituen neurriak hartu ez izana eta hainbat kasu ezkutatzen saiatu izana leporatzen zaie Elizako arduradunei.
Zehazki, 497 biktima eta 235 erasotzaile identifikatu dituzte, 173 apaiz tartean, baina asko gehiago izan daitezkeela ohartarazi dute.
Horrez gain, ikertzaileek salatu dute apaiz horietako askok beren eginkizunekin normaltasunez jarraitu zutela, arduradunek sexu-abusuak egin zituztela jakin arren.
Benedikto XVI.ak dio "lotsa" sentitzen duela
Ikerketa publiko egin eta ordu batzuetara, Benedikto XVI.ak agiri bat kaleratu du Elizaren baitan izandako sexu-abusuengatik "lotsa" sentitzen duela adieraziz eta txostena datozen egunetan aztertuko duela aginduz.
Halaber, sexu-gehiegikeriak jasan dituzten pertsonei begirunea erakutsi die eta haien alde otoi egiten duela ziurtatu du.
Aita santu emerituak 94 urte ditu, eta Vatikanoaren Mater Ecclesiae monasterioan bizi da, erretiroa hartuta, pontifize kargua 2013an utzi zuenetik.
Bestalde, Vatikanoak ere mezu bat zabaldu du Elizan eman diren sexu-abusuengatik "samina eta lotsa" sentitzen dituela esanez eta Munichen egindako ikerketaren txostena datozen egunetan zorrotz aztertuko dutela aginduz.
Halaber, biktima guztiei bere babesa helarazi die eta adin txikikoak babesteko deia egin du.
Zure interesekoa izan daiteke
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.