Erakundeek EAEn babes hartu izandako giza eskubideen defendatzaileak bisitatuko dituzte Kolonbian
Eusko Jaurlaritza larunbat honetan Kolonbiara bidaiatuko duen ordezkaritza baten buru da. Giza eskubideen defendatzaileak babesteko Euskal Autonomia Erkidegoko Programaren barruan, herrialde horretatik EAEn hartutako pertsonen jarraipena egitea izango du helburu bidaiak.
Jose Antonio Rodriguez Ranz Giza Eskubide, Memoria eta Lankidetzako sailburuordea eta Monika Hernando Giza Eskubide, Biktima eta Aniztasuneko zuzendaria dira ordezkaritzako buru.
Misio hau giza eskubideen defendatzaileak aldi baterako babesteko EAEko programaren parte da, eta aurretik babestu dituzten defendatzaile batzuek gaur egun bizi duten egoera aurrez aurre egiaztatzeko egiten da. Ordezkaritzak, horretarako, herrialdeko zenbait eremutara bidaiatuko du, eta defendatzaileekin eta dagozkien erakundeetako ordezkariekin batuko dira. Era berean, 2022an EAEra defendatzaile gisa bidaiatuko duen pertsona baten egoera ezagutuko dute.
Zehazki, bi emakume defendatzaile dira datozen asteotan 2022ko edizioan EAEra bidaiatuko dutenak. Haietako bat Kolonbiatik iritsiko da eta bestea, Mendebaldeko Saharatik.
"Misioaren barne sartzen da gatazka askoko lurraldeak bisitatzea, non erkidego eta erakundeak etengabe borroka- eta arrisku-egoeran bizi diren", esan du Monika Hernandok. "Gure presentziarekin haien bizitza- eta lan-espazioak babesten laguntzen dugu, jasotzen duten nazioarteko laguntza agerian jartzen dugulako".
Programak hamar urte bete zituen urrian. Ekimenaren helburua da euren jatorrizko herrialdeetan bizitza eta justizia soziala defendatzeagatik bizitza edo osotasun fisikoa mehatxupean ditzuzten giza eskubideen defendatzaileak babestea. Hala, EAEn harrera egiten zaie, sei hilabeterako.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.