Europar Batasuna AEBko ordezkariekin bilduko da gaur, Ukrainako krisiaz hitz egiteko
Europar Batasuneko (EB) atzerri ministroek Antony Blinken AEBko estatu-idazkariarekin hitz egingo dute gaur, Errusiarekin Ukrainako krisiari buruz izan dituen azken elkarrizketen inguruan. Izan ere, argi utzi du azkar zigortuko lukeela Mosku, bizilagunari eraso eginez gero.
EBko funtzionario batek Ukrainan gatazka ekiditeko harreman diplomatikoen egoerari buruz adierazi duenez, "Errusia AEBrekin duen elkarrizketan dago zentratuta orain".
Iturri horren arabera, "helburua da EBko ministroekin partekatzea Errusia eta AEBren arteko elkarrizketa, eta horren inguruko hausnarketan zein aurrerapauso ematen ari garen".
Europar Batasuna "oso erakunde esanguratsua da" Errusiarentzat, horren hitzetan. Era berean, EBk Moskuri azpimarratu dionez, "lehenago edo geroago, presente egon behar du" Europako segurtasunari buruzko elkarrizketetan, "bestela pentsaezina litzatekeelako".
Zigor azkarrak
Europar Batasunak aukera eman nahi dio elkarrizketari, baina, AEB eta gainerako aliatuak bezala, irmo azaldu da: Errusiak Ukrainaren aurkako beste eraso bat eginez gero, erantzuna "oso azakarra" eta "erabat argia" izango da, iragarri du.
Ministroek ez dute aurreikusita gaur neurri murriztaileei heltzea, baina zigor-sorta prest egongo litzateke jada.
2014an, Errusia era ilegalean Krimeako ukrainar penintsulari anexionatu zitzaionean eta Errusiako Armadak bertan esku hartzea aurreikusi zuenean, EBk zigor ekonomiko eta industrialak onartu zituen 72 orduan, aurretik prest zituelako.
Albiste gehiago mundua
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.
Harrera beroa egin diete Flotillako euskal ekintzaileei Loiuko aireportuan
Bilboko aireportura, Loiura, gaueko 23:15ean iritsi dira lau euskal ekintzaileak. Ekintzaileak eta komunikabideak zain zituzten, eta eskerrak eman dizkiete emandako laguntzagatik. Ez dute fokua benetan garrantzitsua den horretatik aldendu nahi izan: gazatarrak jasaten ari diren sarraskitik.
Gazako genozidioa: bi urtetako sarraskia, iruditan
Bi urte bete dira astearte honetan, Hamasek aurrekaririk gabeko erasoa egin zionetik Israeli. Berehala erantzun zuen Benjamin Netanyahuren Gobernuak: Gazako Zerrendaren aurkako bonbardaketa masiboekin hasi zena, erabateko genozidio bilakatu da. Horren erakusgarri, datuak: 67.000 hildako, gehienak, emakumeak eta haurrak; 168.000 zauritu; eta milioi erdi herritar baino gehiago goseteak harrapatuta.