Zer da Swift sistema eta zergatik Errusia bertatik kanporatzea "finantzen bonba nuklearra" izango litzateke?
Ukrainako inbasioaren ondorioz, nazioarteak berriz ere mahai gainean du Errusia Swift nazioarteko ordainketa sistematik kanporatzea. Bruno Le Maire Frantziako Ekonomia ministroaren hitzetan, "finantzen bonba nuklearra" izango litzateke neurri hori gauzatzea; izan ere, ekonomiaren arloan ezar daitekeen zigor suntsitzaileetakoa da.
Swift sistematik kanporatuta, Errusia ekonomikoki bakartuta egongo litzateke, eta ezingo luke finantza-transakziorik egin munduko gainerako herrialdeekin. "Swift sistematik kanpo, ezin da inolako finantza-transakziorik egin bermeekin. Horregatik, funtsezkoa da nazioarteko finantzen sisteman", azaldu du Felipe Etxebarria eitb.eus-eko nazioarteko adituak.
Baina, zer da zehazki Swift? Society for World Interbank Financial Telecommunication izeneko sistemak Belgikan du egoitza, eta mundu osoko 11.000 finantza erakunde konektatzen dituen plataforma da. Mezularitza sistema kodetua da, hain zuzen ere: Swift-ek nazioarteko operazioak egiteko beharrezkoak diren BIC (Bank Identifier Code) izeneko kodeak esleitzen ditu. 8 edo 11 karaktereko kodea da, eta, bertan, hainbat datu daude jasota, hala nola bankuen identifikazioak eta herrialdearenak.
Bezero batek nazioarteko transakzio bat egiten duenean, jatorrizko bankuak BIC edo Swift kode hori sortzen du, eta hori operazioa egin den froga eta berme nagusia da.
Zer gertatuko litzateke Errusia kanpo geratuz gero
Errusiako finantza erakundeak Swift sistematik at gertuko balira, herrialdeko bankuen operazioak nabarmen mugatuko lirateke; izan ere, ezingo lukete nazioarteko kobrantza ezta ordainketarik ere egin sistema erabiltzen duten gainerako entitateekin.
Praktikan, Errusiako bankuekin transferentzia guztien blokeoa gertatuko litzateke. Horrek albo-ondorioak izango lituzke, Errusian ordainketak egin behar dituen atzerriko edozein enpresak ez lukeelako bide hori erabiltzeko aukerarik.
Gainera, Martin Piqueras Business Schooleko OBS irakasle eta Gartnerren estrategia digital adituak ohartarazi duenez, Errusiak alternatibak bilatuko lituzke bere bankuek nazioartean jarduten jarrai dezaten.
Adibidez, Txinak sortutako CIPS ordainketa sistemarekin bat egin lezake, operazioak yuan monetarekin egiteko.
Oro har, Errusia Swift sistematik kanporatzea ez da erabaki makala, ondorioak Errusiak ez ezik, harekin negozioak dituzten beste hainbat herrialdek ere nabarituko lituzketelako.
2018an, Iran kanporatu zuten Swiftetik, haren programa nuklearragatik.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.