Kieven dagoela berretsi du Zelenskik eta "etsaiaren erasoei aurre egin" dietela defendatu du
Leherketak eta tiroak etengabeak izan dira azken orduotan Kieven, Ukrainako hiriburuan, baina Volodimir Zelenski presidenteak ziurtatu duenez, Ukrainako indarrak "etsaiaren erasoei aurre egiten ari dira" eta Kieven kontrolari eusten diote "%100ean".
Sare sozialetan argitaratutako azken bideoan, Ukrainiako hainbat hiritan borrokan ari direla jakinarazi du eta irabaziko dutela adierazi du: "Badakigu herrialdea, aberria, gure seme-alaben etorkizuna defendatzen dugula".
Vladimir Putinek "txotxongiloak" jarri nahi dituela Kieven agintzen salatu du Zelenskik, "Donetsk eta Luhasken egin bezala".
Ukrainako presidenteak hainbat bideo zabaldu ditu azken orduetan, Kremlinak zabalduteako informazioei aurre egiteko eta, besteak beste, ez duela Ukrainatik alde egin erakusteko. Hala, "Interneten dabilen informazio faltsua" ez sinestea eskatu du.
Gaua gogorra izan da Ukrainako hiriburuan. Leherketak izan dira eta borrokak ere bai Beresteiska inguruan, Maidan plaza ezagunetik 9 kilometrora, baita Troieschynako zentral termikoan ere, hiriaren beste muturrean.
Bestalde, misil batek Kieveko apartamentu-eraikin bat jo du. Zalantzak daude noren ardura izan den. Iturri batzuek Errusiako Armada aipatzen duten bitartean, beste batzuek Ukrainako Armadaren akatsa izan dela diote.
Kiev eta Kharkov hirietan ezarrita dagoen etxeratze agindua luzatzea erabaki dute gur agintariek.
Bestalde, Espainiak 20 tona sendagai eta osasun-material bidaliko ditu Ukrainara, 150.000 euroko balioa duena, hain zuzen ere, Team Europe ekimenaren babespean. Hala adierazi du Espainiako Gobernuaren Kanpo Arazoetako, Europar Batasuneko eta Lankidetzako Ministerioak.
Belgikak, bestalde, 2.000 metraileta eta 3.800 tona erregai bidaliko ditu Ukrainara, hango Gobernuari laguntzeko.
Bestalde, gero eta gobernu gehiagok babesten dute Errusia SWIFT finantza-transferentzien sistematik ateratzeko eskaria. Azkenak bat egiten, Hungaria eta Italia izan dira.
Albiste gehiago mundua
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.