Zer gertatu da asteazken honetan Ukrainako gerran? Albiste nagusien laburpena
- Errusiako Armadak aurrera egin du asteazken honetan Ukrainako hegoaldean. Bertan, Kherson hiriko kontrola hartu, eta Mariupol ia blokeatuta du. Ekialdean ere, Azov itsasoko kostalde gehiena mendean duela iragarri du Moskuk. Kieven, misil bat lehertu da tren geltoki batetik gertu, eta baliteke hiriburuaren parte bat berokuntzarik gabe geratzea (gaur gauean 0 eta 3 ºC artean espero dituzte), hodi batek kalteak izan dituelako.
- Zenbat pertsona hil dira dagoeneko gerran? Ukrainako Larrialdi Zerbitzuen arabera, 2.000tik gora dira erasoaldian hildako zibilak. Errusiako Defentsa Ministerioak ere datuak eman ditu lehen aldiz, eta orain arte 498 soldatu errusiar hil direla aitortu du.
- Errusiak abiatutako inbasioaren ondorioz, gero eta herrialde gehiagok bat egin nahi dute Europar Batasunarekin: gaur, beste sobietar errepublika ohi batek, Georgiak, iragarri du bihar bertan eskatuko duela Batasunean sartzea, "premiazko" prozedura batekin.
- Pedro Sanchez Espainiako Gobernuko presidenteak iragarri du armak bidaliko dizkiola Ukrainari.
- Europar Batasunak zigor gehiago: Hogeita zazpiek dagoeneko eten dute Sputnik eta Russia Today errusiar hedabideen emisioa, eta zazpi banku Swift sistematik kanporatu dituzte. Gainera, kriptomoneden aurkako neurriak hartzea ere aztertuko dute, Errusiak zigorrei muzin egitea saihesteko.
- Gehiengo handi batekin, NBEko Asanblea Nagusiak Errusiaren erasoa gaitzesteko ebazpena onartu du, eta tropa guztiak Ukrainatik ateratzea eskatu dio Moskuri. 193 estatu kideen artean, 141ek babestu dute testua, eta bostek baino ez dute aurka egin: Errusia bera, Bielorrusia, Siria, Ipar Korea eta Eritrea.
- Sergei Lavrov Errusiako Atzerri ministroak ohartarazi du Hirugarren Mundu Gerra "nuklearra eta suntsitzailea" izango litzatekeela. Atzo, Joe Biden AEBetako presidenteak azpimarratu zuen Moskuren aurkako zigorren alternatiba bakarra "Hirugarren Mundu Gerra" hastea dela.
- Errefuxiatuen drama: ACNUR agentziaren arabera, 874.000 pertsonak ihes egin dute Ukrainatik inbasioa hasi zenetik.
- Pablo Gonzalez euskal kazetaria atxilotuta eta desagertuta dago oraindik Polonian. Haren abokatuak, Gonzalo Boyek, ezin izan du oraindik harekin hitz egin, eta Espainiako Gobernuari esku hartzeko eskatu dio, eitb.eus-en egindako elkarrizketa batean.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.