Errusiak Odesa bonbardatu nahi duela ohartarazi du Zelenskik
Errusiako indarrak Odesa hiria bonbardatzeko prestatzen ari direla iragarri du Volodímir Zelenski Ukrainako presidenteak. Itsaso Beltzaren ertzean dago Odesa, Ukraina hegoaldean. "Odesa bonbardatzeko prestatzen ari dira. Gerrako krimena izango da. Krimen historikoa izango da "esan du agintariak bideomezu berri batean.
Bestalde, Oleksiy Danilov Ukrainako Segurtasun eta Defentsa Kontseiluko idazkariak ohartarazi du Errusia eskala handiko bigarran erasoa prestatzen ari dela. Kiev (iparraldean) Kharkov (ekialdean), Mariupol (hego-ekialdean), Mykolaiv (hegoaldean), Txernigov (iparraldean) eta Odesa (hegoaldean) errusiarrentzat estrategikoak direla berretsi du eta horien kontra joango dela.
"Etsaiaren plana hiri garrantzitsuenak hartzea da, Ukrainako Indar Armatuak odolustea eta biztanleria zibilarentzat hondamendi humanitarioko egoera bat sortzea" gaineratu du.
Gainera, errusiarrek Kaniven, Ukraina erdialdean, zentral hidroelektriko bat hartu nahi dutela ere salatu du.
Ostiralean Energodarreko zentral nuklearra hartu zuten errusiarrek Zaporizhia eskualdean (Ukraina hego-ekialdean), Europako handiena. Dmity Orlov Energodarreko alkateak atzo, larunbata, azaldu zuenez, tropa errusiarrek "hiriaren perimetroa kontrolatzen dute eta zentral nuklearrean daude".
Ukrainako Armadak dio 11.000 militar baino gehiago hil direla Errusiaren inbasioa hasi zenetik
11.000 militar errusiar baino gehiago hil direla eta 285 tanke, 109 artilleria sistema eta 48 helikoptero ere suntsitu dituztela esan du gaur Ukrainako Armadak.
Errusiak ez ditu datu horiek baieztatu, eta erantzun du 2.200 helburu militar baino gehiago suntsitu dituztela, Errusiako Defentsa Ministerioko bozeramaile Igor Konashenkovek jakinarazi duenez. Era berean, Errusiako tropek, bozeramailearen arabera, 11 kilometro egin zituzten aurrera larunbatean, eta bost herri hartu zituzten kontrolpean hego-ekialdeko frontean: Priiutnoye, Zavitne-Bazhanne, Staromlinovka, Oktiabrskoye eta Novomaiskoye.
Zelenski presidenteak Ukrainako herritarrei eskatu die erresistentziari eusteko eta errusiarrei "aurre" egiteko. Errusiako herritarrei ere dei egiten die Putinen aurrean oldartu daitezen.
Albiste gehiago mundua
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.
Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
320 hildako baino gehiago Pakistanen, eurite bortitzek sortutako uholdeetan
Gutxienez 320 pertsona hil dira Pakistaneko iparraldean, euriteek bat-batean uholdeak eraginda. Khyber Pakhtunkhwa probintzia kolpatuena izan da, biktima gehienak eta dozenaka desagertu baitaude. Agintariek erreskate lanetan jarraitzen dute, milaka kaltetuk laguntzaren zain dauden bitartean.