Korridore humanitarioak zabaldu dituzte Irpinen eta Sumyn, zibilak ateratzeko
Ukrainako gerraren 13. egunean, korridore humanitarioak ireki dituzte Irpin eta Sumy hirietatik zibilak ateratzeko, Ukrainako agintariek gaur goizean jakinarazi dutenez.
Ukrainan 09:00ak zirenean (08:00ak Euskal Herrian) sartu da indarrean su-etena, Iryna Vereshchuk Ukrainako lehen ministro ordeak bideoz zabaldutako mezu batean zabaldutako informazioaren arabera.
Pasabide humanitarioa Ukrainan 21:00ak diren arte (20:00ak Euskal Herrian) egongo dira zabalik. Ibilbidea ondorengoa izango da: Sumy, Golubivka, Lojvitsa, Lubny eta Poltava.
"Ez da beste ibilbiderik adostu", azpimarratu du Vereshchukek. Gaineratu duenez, Errusiako Defentsa Ministerioak Gurutze Gorriaren Nazioarteko Batzordeari jakinarazi du korridorearen irekiera Sumyn.
Ondoren, Ukrainak Gurutze Gorriari eta Errusiari jakinarazi die onartzen duela korridore humanitarioa zabaltzea.
Sumyko herritarrekin batera ikasle atzerritarrak Poltava herrira eraman nahi dituzte, bereziki Indiako eta Txinako gazteak, UNIAN Ukrainako agentziaren arabera,
Lehen ministrordeak jakinarazi duenez, Ukrainak Kieven, Txernihiven, Kharkiven, Mariupolen eta Volnovajan ere pasabide humanitarioak irekitzea proposatu die Errusiari eta Gurutze Gorriari.
Errusiak iragarri du korridore humanitarioak irekiko dituela Kievetik, Kharkivetik edo Mariupoletik zibilak ateratzeko
Errusiako Gobernuak behin-behineko su-etena iragarri du Kiev, Txernihiv, Kharkiv, Mariupol edo Sumy hirietatik zibilak ateratzeko. Korridore humanitario horietako batzuen helmuga Bielorrusia edo Errusia izango dira. Orain arte Ukrainako agintariek ez dute onartu zibilak Errusiara irtetea.
Kiev eta inguruko korridore humanitarioak Errusiarantz joango dira Bielorrusian barrena.
Txernihivetik ere Bielorrusiako irtengo dira zibilak.
Sumitik bi bide proposatu ditu, bata Errusiarantz eta bestea Poltavarantz (Ukraina).
Kharkiven kasuan, Errusiarako eta Lviverako (Ukraina) bideak irekita egongo lirateke.
Bestalde, Mariupoletik Errusiara eta Zaporizhiara irten ahalko litzateke.
Zure interesekoa izan daiteke
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.