AEBko hedabideen informazioa ukatu du Errusiak: Ez dio Txinari laguntzarik eskatu
Errusiak ez dio Txinari babesik eskatu, Dmitri Peskov Errusiako Presidentetzaren bozeramaileak adierazi duenez. Moskuk Pekini babes ekonomiko eta militarra, tartean droneak, eskatu dizkiola zabaldu dute gaur AEBko CNN telebista kateak eta The New York Times egunkariak AEBko funtzionario batzuk aipatuta, eta informazio hori ukatu du Errusiak. Beijingek ere goitik eta behera ukatu du.
Moskun egindako prentsaurreko batean auziaz galdetu diote Peskovi, eta "ez" borobil batekin eranzun du, Errusiako albiste agentziek zabaldu dutenez.
Aurrez, Txina irmo mintzatu da. "Guztiz faltsua da, desinformazio hutsa. Txinak modu argi eta sendoan azaldu du Ukrainako krisiarekiko duen jarrera. Paper eraikitzailea dugu, eta egoera modu inpartzial eta independentearekin aztertzen dugu. Txinaren jarrera gutxiestea ez da onargarria", esan du Zhao Lijian Txinako Atzerri Gaietako bozeramaileak prentsaurrekoan.
AEBko hedabideen arabera, ordea, Txinak erantzun dio jada Errusiako eskaintzari. Hedabideon esanetan, babes hori egikarituko balitz, Ukrainako inbasioaren "indar banaketa" aldatuko litzateke, eta AEBk zein Europar Batasunak Errusiari ezarritako zigor ekonomikoak konpentsatuko lirateke.
CNN telebista kateak gogora ekarri duenez, AEBko funtzionarioak, Jen Psaki Prentsa idazkaria tarteko, kritiko azaldu dira Beijingek gerrarekiko hartu duen jarrera "epelaz", Txinaren esanetan "operazio militar berezia" baita.
Txina aldebakarreko zigorren kontra dago. Zhaok joan den astean nabarmendu zuenez, horrelako zigorrek "ez dituzte bakea eta segurtasuna ekartzen, eta nahasitako herrialdeetako biztanleei zailtasun ekonomiko larriak eragiten diete. Konfrontazioa indartu eta denok galtzen dugun egoera batera eramaten gaituzte".
Ingurumari horretan, AEBko eta Txinako gobernuetako Segurtasun eta Atzerri Gaietako ordezkariak Erroman (Italia) bilduko dira gaur Ukrainako gerraren inguruan mintzatzeko.
Ameriketako Estatu Batuen izenean, Jake Sullivan Etxe Zuriko Segurtasun Nazionalerako aholkularia izango da bileran, eta Yang Jiechi Atzerri Gaietako Batzordearen Bulegoko zuzendaria, Txinaren ordezkari.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.