Errusiak eta Ukrainak negoziazioari berriz heldu diote, baina Mariupolen ebakuazioak porrot egin du berriro
Errusiak eta Ukrainak gatazka konpontzeko negoziazioari berriz heldu diote bideokonferentzia bidez. Hala ere, ustez Ukrainak Errusian erregai depositu baten aurka egindako erasoak elkarrizketak lausotu ditu. Gainera, Mariupol hiria ebakuatzeko enegarren saiakerak porrot egin du.
"Bideokonferentzia bidez negoziatzen jarraitzen dugu. Krimearen eta Donbassen inguruan gure jarrera aldatu ezina da", idatzi du Vladimir Medinski Errusiako negoziatzaileak Telegramen.
Gatazkako bi aldeen arteko jarrerak lehen aldiz hurbildu ziren duela hiru egun Istanbulen egindako bileran.
Elkarrizketen bosgarren saioa bukatu ondoren, Vladimir Putin Kremlineko buruzagiari emaitzaren berri emango diola adierazi du Medinskik. Putinek, ordea, ez du oraindik deus esan, nahiz eta gaur Errusiako Segurtasun Kontseiluaren bilera zuzendu.
"Aspaldiko partez, Kieveko agintariek Errusiarekin akordio batera iristeko borondatea agertu dute. Azken urteetan Errusiak mahai gainean jarritako eskakizunak betetzeko borondatea azaldu du Ukrainak", azpimarratu du Medinskik.
Ukrainak NATOn sartzeari, bloke militarreko kide izateari, arma nuklearrak izateari, suntsipen handiko armak izan, erosi edo garatzeari eta atzerriko baseak edo kontingente militarrak hartzeari uko egitea nahi du Moskuk.
Era berean, Krimeako penintsularen estatusa eta Donbass ukiezinak direla zehaztu du Moskuko ordezkariak.
Baina Volodimir Zelenski Ukrainako presidenteak bere jarrera argi utzi du: "lurralde osotasun eta subiranotasunaren inguruko konpromisorik ez dago, eta ez da egongo". "Ez dugu ezer lagako. Lur metro eta pertsona bakoitzeko borroka egingo dugu", adierazi du.
Recep Tayip Erdogan Turkiako presidentea Putinen eta Zelenskiren arteko bilera bat lehenbailehen antolatzeko prest agertu da gaur; izan ere, bi agintariak ez dira 2019ko amaieratik elkartzen.
Bitartean, Mariupoleko ebakuazioak berriro porrot egin du. Iturri ezberdinen arabera, 100.000 pertsona baino gehiago harrapaturik daude Azov itsasoko hirian.
Gurutze Gorriko Nazioarteko Batzordeak onartu duenez, ostiral honetan ebakuazioa aurrera eramatea ezin dute ziurtatu, nahiz eta "itxaropena" mantendu.
Horretarako, gatazkako bi aldeei su-etena eskatzeaz gain, "ateratzeko ibilbide zehatza, hasiera ordu zehatza eta iraupena" eskatu dizkie.
Zure interesekoa izan daiteke
AEBk eta Iranek bi asteko su-etena adostu dute, Ormuzen irekiera bermatu ostean
Pakistanen bitartekaritzak su-eten akordio bat ixtea ahalbidetu du. Akordioa berehala sartuko da indarrean eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.