Belgorodeko erregai biltegi batzuei eraso egitea leporatu dio Errusiak Ukrainari
Viacheslav Gladkov Belgorod hiri errusiarreko eskualdeko gobernadoreak petrolio biltegiei eraso egitea leporatu dio Ukrainako Armadari, baina zehaztu du inor ez dela hil bi herrialdeen arteko mugatik gertu dagoen azpiegituran.
Gobernadoreak hasiera batean adierazi zuenez, Ukrainako Armadako bi helikoptero Errusiako eremuan sartu ziren, altuera baxuan, eta gutxienez depositu bati egin zioten eraso. Baina larrialdi zerbitzuek baieztatu dute bi eraso behintzat izan direla eta Belgorodnefteprodukteko azpiegiturako zortzi edukiontziri eragin dietela, Rosneft energia konpainiarenak.
"Uneotan zortzi edukiontzi daude sutan, guztiak 2.000 metro kubikoko edukiera dutenak. Sua zabaltzen jarraitzeko arriskua dago", Larrialdi zerbitzuek TASS agentziari adierazi diotenez. Azpiegiturak 27 biltegi ditu, eta horietako 14k 2.000 metro kubikoko edukiera dute.
Gobernadoreak ziurtatu du erasoak ez diola erregai hornidurari kalte egingo eskualdean, Gubkineko biltegira jotzen baitute orain, eta "13 egun arteko" hornidura dute bermatuta bide horretatik.
Duela egun batzuk, Belgoroden bertan, arma biltegi batean izan ziren leherketak, baina ez dute zabaldu zerk eragin zituen. Ukrainak ere txintik ere ez du esan erasoen inguruan.
Lavrovek "aurrerapausoak" iragarri ditu negoziazioetan
Bestalde, Serguei Lavrov Errusiako Atzerri gaietarako ministroak Indian egiten ari den bisita ofizialean esan du aurrerapausoak izan direla Ukrainaren neutraltasunaren inguruan, eta baita Donbassen aferan ere.
"Akordio horiek osatu egin behar dira, aurrerapausoak eman ditugu Ukrainak blokeetan ez parte hartzearen inguruan", adierazi du Errusiako diplomaziaburuak, Donbassen ere "ulermen puntuak" aurkitu dituztela gaineratu aurretik.
Tropa errusiarrak Kievetik kanpo
Tropa errusiarrak Kiev ingurutik eta Chernigov probintziatik aldentzen ari dira, iparraldean, baina inguruetako herritarrak ez dira seguru sentitzen eta ez dira negoziazioez fio.
Errusiako Armadak bertan behera utzi du "hein batean" Kieveko zeruaren okupazioa, eta Bielorrusiako mugara bidean dira soldaduak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.