Donbass eskualdearen kontrol osoa lortzeko ofentsiba prestatzen jarraitzen du Errusiak, Ukrainaren arabera
Ukrainako gerra hasi zenetik 43 egun betetzen diren honetan, Donbass eskualdea osorik menderatzeko ofentsiba prestatzen jarraitzen du Errusiako Armadak, Ukrainak bat zabaldutako azken gerra partearen arabera.
Okupatzaileak buru-belarri Ukraina ekialdeko erasoa prestatzen ari direla adierazi du Ukrainako Armadak, "Donetsk eta Luhansk eskualdeen erabateko kontrola ezartzea helburu duena". Iturri horren arabera, soldadu errusiarrek Slobozhansky (Zaporizhia hegoaldean), Donetsk eta Tavriya (Zaporizhian) norabidean jarraitzen dute.
Ameriketako Estatu Batuek zabaldutako azken informazioaren arabera, Errusiak soldaduak Ukraina ekialdera Sloviansk aldera bidaltzen jarraitzen du, baina azken 24 orduetan ez omen dute aurrerapauso nabarmenik eman. Hiri hori giltzarri jotzen dute Errusiak Ukraina ekialdeko eskualdeen aurka egin dezakeen erasoaldian.
Halaber, estatubatuarren esanetan, azken 24 orduetan Errusiako indarrak Sumy eskualdetik erretiratu dira eta Errusiako Belgorado hirira mugitu dira, handik gero Donbassera joateko.
Setio egoeran jarraitzen duen Mariupol hiriari dagokionez, estatubatuarren arabera ezin da baieztatu azken 24 orduetan aldaketa nabarmenik izan den ala ez.
1.500 zibil ukrainar baino gehiago hil dira gerra hasi zenetik
1.563 zibil ukrainar hil eta 2.213 zauritu dira Errusiak otsailaren 24an Ukrainako inbasioa hasi zuenetik, Nazio Batuen Errefuxiatu Agentziak zabaldutako azken balantzearen arabera.
Identifikatu dituzten hildako horietatik 379 gizonak ziren, 237 emakumeak eta 67 haurrak. 63 haur eta 817 heldu ezin izan dituzte identifikatu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.