Donbass izango da Ukrainako gerraren agertoki nagusia aste honetan
Donbass izango da Ukrainako gerraren agertoki nagusia, Volodimir Zelenski Ukrainako presidentearen aurreikuspenaren eta Errusiaren beraren iragarpenaren arabera. Errusiako tropek Kieveko eskualdea utzi ondoren, Moskuk aitortutako Donetsk eta Luhanskeko errepubliketan bildu dira orain.
Aste hau "tentsio handikoa" izango da Donbassen; izan ere, "tropa errusiarrak hara joango dira operazioekin jarraitzeko", esan du Zelenskik goizaldean telebista bidez eman duen mezuan.
Ukrainako Armadaren azken partearen arabera, "etsaiak tropen talde erasokor bat sortzen jarraitzen du Slobozhanskiko (Dnipro eskualdea) norabidean jarduteko, eta ziurrenik hurrengo egunetan okupatzaileak erasoaldiari berriro ekiten saiatuko dira".
Inbasioaren 47. egunean, Errusiak erasoaldiarekin jarraitzen du Donetsken. Armada Mariupol hiria erabat kontrolatzen saiatzen ari da. Bertan, portua eta Azovstaleko planta siderurgikoa baino ez daude Ukrainako Armadako milizien esku.
Bestalde, Ukrainako Aginte Gorenak salatu duenez, "litekeena da Errusiako Federazioko indar armatuek probokazio-ekintzak egitea Transnistria eskualdean", Moldaviatik independentetzat aldarrikatutako baina nazioarteak onartu ez duen errepublikan, "Ukrainari aldameneko estatu baten aurkako eraso bat leporatzeko".
Josep Borrell Europar Batasuneko Atzerri Politikarako goi ordezkariak, bere aldetik, esan du Errusia tropak biltzen ari dela Ukraina ekialdean.
"Susmoa dugu tropa errusiarrak ekialdean biltzen ari direla Donbassen eraso bat egiteko; ukrainarrak horren jakitun daude. Susmoa dugu datozen egunetan gerra areagotu egingo dela Donbassen", esan du.
Borrellen hitzetan, aurreko astean Ursula von der Leyen Europako Batzordeko presidentearekin batera Ukrainara egindako bidaiaren berri emango dio EBko Kanpo Arazoetako Kontseiluari.
"Han gertatzen denaren lekuko izan gara, tropa errusiarrek populazio zibilaren aurka egindako eraso basati eta bortitzen lekuko", adierazi du, eta han ikusitakoarekin "benetan txundituta" itzuli direla ziurtatu du.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.