Errusiak erasoak egin ditu berriro Kiev eskualdean
Ukrainako gerra hasi zenetik 51 egun betetzen diren honetan, atzera berriro ere eztanda gogorrak entzun ahal izan dira Kiev hiriburuan. Itxura guztien arabera, tropa errusiarrak Kiev ingurutik erretiratu eta herrialdearen hego-ekialdera mugitu zirenetik izandako gogorrenak izan dira.
Errusiako Armadak iragarri duenez, Kieveko instalazio militar bati eraso egin dio kalibre izeneko misilekin. Errusiako Defentsa Ministerioaren arabera, eraso horren ondorioz makineria eraikitzeko planta bat, irismen luze eta ertaineko misilak suntsitzeko sistemak ekoizteko eta konpontzeko tailerrak suntsitu dituzte.
Atzo, Briansk eskualdeko Klimovo herriko etxebizitza eraikin baten aurka gutxienez sei aire-eraso egin eta gutxienez zortzi pertsona larri zauritu izana leporatu dio Errusiak Ukrainari. Horren ondotik etorri da Errusiaren erasoa.
Bestalde, Errusiako Defentsa Ministerioak Kieven aurkako erasoak handitu eta gogortuko dituela iragarri du.
Bere eguneroko hitzaldian, bart Volodimir Zelenski Ukrainako presidenteak eskerrak eman dizkio Ukrainako herriari Errusiaren aurkako erresistentziagatik. "Jainkoari, Ukrainako indar armatuei eta gure herriari eskerrak gure herrialdearen zati handiena defendatu dugu", adierazi du.
Zelenskik ondo gogoan du Errusiak Ukraina inbaditu zueneko eguna "inor ez baitzegoen ziur" bera eta bere herrialdea bizirik irauteko gai izango ote ziren ala ez, eta aitortu du buruzagi politiko askok herrialdetik ateratzeko aholkatu ziotela.
Ukrainako presidentearen hitzetan, ukrainarren ausardia eta askatasun nahia funtsezkoak izan dira. Bide batez, Errusiari ohartarazi dio "Ukrainan egin duen guztiaren erantzule izango dela".
Errusiak otsailaren 24an Ukraina inbaditu zuenetik 4,7 milioi pertsona baino gehiago irten dira herrialdetik, Iheslarientzako Nazio Batuen Erakundeko Agentziak egindako azken balantzearen arabera.
Bestalde, Kieven bizi eta gerragatik ihes egin zuten pertsona asko eta asko itzultzen ari dira. Horren aurrean, ez itzultzeko eskatu die Kieveko alkateak herritarrei, hiria alerta egoeran dagoela eta ez dela erabat segurua argudiatuta.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.