Eraso sorta batek tentsioa areagotu du Transnistrian
Eraso sorta batek tentsioa areagotu du Transnistrian (RMT). Bertako biztanle gehienek errusieraz hitz egiten dute. Lurraldea eta Ukraina mugakideak dira.
"Eskura dugun informazioaren arabera, Transnistriako indarren erasoak dira, egoera desegonkortu eta gerra bat hasi nahi dutelako", esan zuen Maia Sandu Moldaviako presidenteak astelehenean.
Tiraspoletik, RMTko hiriburutik, ordea, Vadim Krasnoselski presidenteak Ukrainari egotzi dio erasoen erantzukizuna. Atentatuek ez dute orain arte biktimarik utzi.
"Ikerketen aurreneko ondorioen arabera, Ukraina izan da", idatzi zuen Krasnoselskik Telegramen.
Transnistriako Barne Ministerioak jakitera eman duenez, Kolbasnatik gertu tiroketa bat izan da asteazken honetan. Bertan garai sobietarreko armamentu eta munizio biltegi handi bat dago. Errusiako kontingente militar batek biltegia babesten du. Agintariek Kievi leporatu diote erasoa.
Transnistriak errepublika aldarrikatu zuen 90eko hamarkadan
Transnistria 500.000 biztanle eskaseko lurraldea da. Herritar gehienak eslaviarrak dira. 90eko hamarkadan, Errusiaren laguntzarekin, Moldaviatik bereizi eta errepublika aldarrikatu zuen gatazka armatu (1992-1993) baten ostean.
Gatazka amaitu zenetik, Dniester ibaiak bereizitako bi lurraldeen batasuna eskatu du Moldaviak, baina Transnistriako buruzagiak beti aurka agertu dira.
1992ko uztailean gatazkaren Konponbide Baketsurako Akordioa sinatu ondoren, Errusiak 2.400 soldadu zabaldu zituen zonaldean bakea bermatu eta Sobietar Batasuneko Armadaren armategi handi bat babesteko. Egun 20.000 tona arma eta munizio gordetzen dituela estimatzen da.
Errusiako tropek atzera egitea eta armategia desegitea eskatu du Moldaviak, baina Mosku beti aurka agertu da. Bere soldaduen presentzia legitimoa dela defendatzen du Errusiak. Zentzu horretan, Chisinauren eta Tiraspolen artean akordio politiko bat ematen denean soilik hitz egingo lukeela azaldu du Moskuk.
Errusiaren egitasmoa: Moskuk ustez Transnistriara arte korridore bat sortzeko asmoa du
Errusia eskualdeko egoera "arreta handiz" jarraitzen ari da, Dmitri Peskov Kremlineko bozeramaileak asteartean adierazi zuenez. "Zalantza barik, bertatik heltzen ari diren albisteek kezka sortu digute", erantsi zuen.
Iragan ostiralean Errusiako Armadako buruzagi batek onartu zuenez, Moskuk Donbassetik Krimeako penintsulara korridore bat sortzeko asmoa du Ukrainan, eta ondoren Ukrainako hegoaldetik Transnistriara arte zabaldu.
"Ukrainako hegoaldearen gaineko kontrola Transnistriara sartzeko bide bat da, non errusiar hiztunen diskriminazioa ematen da", adierazi zuen Rustam Minnekeyev jeneralak, Errusiako jarduneko komandanteak.
Volodimir Zelenski Ukrainako presidenteak ziurtatu duenez, Errusiak Transnistria ezegonkortu nahi du, tropa gehiago eskualdean sartzeko aitzakia bezala erabiltzeko.
NATOk asteazken honetan ohartarazi duenez, baliteke Errusiak Transnistrian erasoak egin eta hirugarren bati erantzukizuna leporatzea. Moldavian izandako leherketekin "kezkatuta" agertu da aliantza militarreko bozeramaile bat.
Zure interesekoa izan daiteke
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.
Israelek Somalilandia aitortzea, Afrikako Adarreko taula geoestrategikoan faktore berria
Israelek Somalilandia onartzeak hamarkadetako gatazka sezesionista pizteaz gain, pieza berri ezegonkor bat txertatzen du Afrikako Adarreko eta Ekialde Ertaineko aliantzen eta etsaitasunen taula geoestrategiko konplexuan.
Gutxienez pertsona bat hil da eta 80 inguru zauritu dira Machu Pichura zihoazen bi trenek aurrez aurre talka egin ostean
Gutxienez pertsona bat hil da eta beste 78 zauritu dira astearte arratsalde honetan Machu Picchuko Parke Arkeologiko Nazionalera zihoazen bi trenek aurrez aurre talka egin ostean, Ollantaytambo herrian, Urubamba probintzian, Peru hegoaldean.
Hamar herrialdek eskatu diote Israeli UNRWAk eta GKEek esku har dezatela egoera "katastrofikoaren" aurrean
Israelek UNRWAren operazioen etetea azkartzen duen lege bat onartu du, NBEren agentzia 2023ko urriaren 7ko erasoetan inplikatuta dagoela iritzita.