Polarizazioaz eta "propaganda gerrez" ohartarazi dute Mugarik Gabeko Kazetariek
Mugarik Gabeko Kazetariek (RSF, frantseseko izenagatik) urteroko txostena kaleratu dute gaur, Prentsa Askatasunaren Nazioarteko Egunean, eta ohartarazi dute mediatikoki polarizazioa handia dela estatuen barruan zein nazioartean.
Erakundeak uste du "kaos informatiboa" dela nagusi esparru mediatiko digital globalizatuaren ondorioz eta egoera horrek "informazio faltsuak eta propaganda" zabaltzea dakarrela.
Demokrazia liberalen kasuan, "Fox News estiloko" hedabideak sortu dira eta "sare sozialek bultzatuta, desinformazioa" orokortu da. Erakundearen ustez, barne zatiketak areagotu dira, estatuetako gizartea polarizatuta.
Nazioartean, testuinguru asimetriko bat deskribatu du RSFk: batetik, "gizarte irekiak" eta, bestetik, "euren hedabideak eta plataformak kontrolatzen dituzten erregimen despotak". Bi gizarte horien arteko "propaganda gerrek" demokrazia ahultzen dute, eta "tentsioak" areagotzen dituzte.
Hain justu, Errusiak Ukraina inbaditu izana polarizazio horren adibide "adierazgarria" dela iritzi dio erakundeak. Argudiatu duenez, "gerra propagandak" oso paper garrantzitsua izan zuen hastapenetan, bi aldeek gatazka piztea elkarri leporatzen ziotenean.
Txinako egoera apartekoa dela uste dute Mugarik Gabeko Kazetariek: "Bere armategi legegile guztia erabili du herritarrak konfinatzeko eta isolatzeko". India eta Pakistan herrialdeen arteko gatazkak eta "Israel eta Palestina eta herrialde arabiarren" liskarrek ere prentsa askatasunari eragiten diote.
Demokrazia liberalen arazoak hizpide, AEBn eta Frantzian dauden barne zatiketak aipatu ditu kazetarien elkarteak. Azaldu duenez, "sare sozialek eta iritzi komunikabide berriek tentsio sozial eta politikoen gorakada hauspotu dute. Demokrazia liberal batzuetan, bestalde, prentsa independenteari egiten zaion jazarpena muturreko polarizazioaren beste faktore bat da". Ingurumaria horretan, Polonia (bertan dute kartzelatuta Pablo Gonzalez euskal kazetaria) aipatu du RSFk
Mugarik Gabeko Kazetarien hitzetan, prentsa askatasuna "interes orokorraren izenean eta esku hartze politiko, ekonomiko, legal eta sozialak gorabehera, kazetariek, gizabanako zein giza talde bezala, informazioa aukeratu, ekoitzi eta zabaltzeko duten aukera eraginkorra da". Egiteko hori "inongo mehatxurik gabe" egin beharrekoa dela erantsi du elkarteak.
Irizpide horri jarraiki, 180 herrialderen zerrenda bat egin du RSFk, bakoitzari nota bat jarrita: "ona", berde kolorez, eta, "oso larria", gorriz.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.