Errusiak berriro bonbardatu ditu Kharkiv eta Odesa, baina oraingoz ez du kontrolpean hartu Donbass eskualdea
Sobietar Batasunak Alemania naziaren aurka 1945ean, Bigarren Mundu Gerran, lortutako garaipena ospatu dute gaur Errusian, eta, aldi berean, Ukrainaren aurkako erasoaldiarekin aurrera jarraitu dute.
Ukrainan beraien helburu militarrak erdietsiko dituela berretsi du Moskuk, baina, inbasioa hasi zenetik 75 egun igaro direnean, ez dute lortu Donbass eskualdea kontrolpean hartzea.
Apirilaren 21ean bereganatu zuen Errusiako Armadak Mariupol, eta gaur Garaipenaren Eguna ospatzeko martxa bat egin dute, Denis Pushilin Donetseko buruzagiak zuzenduta.
Khersonen eta Zaporizhian ere ospatu dute militar errusiarrek Garaipenaren Eguna, TASS agentziak zabaldu duenez.
Ildo berean, hainbat eraso egin dituzte artilleria bidez eta bonbak jaurtiz, eta Kharkiven gutxienez hiru pertsona hil dituztela jakinarazi du Oleg Synegubov gobernadoreak.
Odesan, berriz, hotel bat, jatetxe bat eta udal azpiegiturak suntsitu dituzte, Krimeako kostaldetik misilak botata.
Hain zuzen ere, Odesara aurrez iragarri gabeko bidaia egin du Charles Michel Europako Kontseiluko presidenteak, Denys Shmyhal lehen ministro ukrainarrarekin biltzeko. Bertan zeuden Errusiako Armadak erasoa egin duenean, eta babesleku batera joan behar izan dute.
Horrez gain, Ukrainako Gobernuak azaldu du Errusiak misil jaurtigailuak dituela Itsaso Beltzean.
Aurrera egin ezinik
Edonola ere, egoitza Ameriketako Estatu Batuetan duen Gerraren Ikerketarako Institutuaren esanetan, "tropa errusiarrek ez dute aurrerapauso nabarmenik egin" hainbat eraso burutu arren.
Hala ere, erakunde horren arabera, Kharkiven atzera egin behar izan dute Ukrainako Armadak kontraerasoa egin ondotik.
Tropa errusiarrak Donbass eskualdean aurrera egin ezinik egon arren, Vladimir Putin presidenteak ziurtatu du "plana betetzen" ari direla eta beraien helburuak beteko dituztela.
Zure interesekoa izan daiteke
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, "inor ez dago salbuetsita" zeharkako zigorren jomuga izatetik Teheranekin negoziatzen badu.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.