Israelgo segurtasun indarrek kazetari bat hil dute Zisjordanian
Israelgo segurtasun indarrek Xireen Abu Akleh Al Jazeera Qatarko telebistako kazetaria hil dute, buruan tiro eginez, Jeninen (Zisjordania), Wafa agentziak esan duenez.
Abu Akleh (51 urte) manifestari palestinarren eta Israelgo indarren arteko istiluak bertatik bertara jarraitzen ari zenean, Israelgo soldaduek palestinar gazteen eta bertan zeuden prentsako langileen aurka tiro egin dute, Maan agentziaren arabera.
Ali Asmoadi kazetaria ere zauritu dute, bizkarrean. Hareetz egunkariari esan dionez, tiroz hil duten kazetariak, beste batek eta berak "press" (prentsa) idatzita zuten txaleko identifikagarriak jantzita zituzten, gertakari horien emateko zabaldu diren irudietan ikus daitekeenez.
"Imajina dezakezue, hau shock bat da berarekin lanean egon diren kazetariontzat", esan du Nida Ibrahim lankideak Al Jazeeran. Kate bereko korrespontsala da Zisjordanian.
Qatarko telebistak Israeli bere kazetaria "odol hotzean" hiltzea egotzi dio. "Aldez aurretik prestatutako eta nazioarteko legeak eta arauak urratzen dituen hilketa tragiko batean, Israelgo indar okupatzaileek, odol hotzean, gure berriemaile Xireen Abu Akleh hil dute", esan du.
Mikel Ayestaranek jakitera eman duenez, kazetariaren hilotza Ramallah hirira eramango dute Nablusen autopsia egin ostean. Jerusalemen egingo dute haren aldeko hileta.
Israelek eta Palestinak "ikerketa bateratua" abiatu dute
Palestinako Osasun Ministerioak Israelgo segurtasun indarrei egotzi die kazetariaren heriotza, Facebookeko bere profil ofizialean zabaldutako mezu batean.
Ondoren, Israelgo Atzerri ministroak, Jair Lapidek, "ikerketa bateratua" eskaini die Palestinako agintariei. "Kazetariek babesa izan behar dute gatazka-guneetan, eta egia ezagutzeko eskubidea dugu", azaldu du Twitterren.
Halere, Lapiden hitzetan, "segurtasun indarrek lanean jarraituko dute beharrezkoa den lekuetan terrorismoa eta israeldar gehiagoren hilketak saihesteko".
Israelgo Armadak adierazi du segurtasun indarrak Jeningo errefuxiatuen kanpaleku batean eta Burquin hirian sartu zirela "terrorismoagatik susmagarriak" atxilotzeko, The Times of Israel egunkariak nabarmendu duenez.
Israelgo Defentsa Indarrek Twitterren azaldu dute kazetariak "zauriturik irten izanaren aukera" ikertzen ari direla, "seguru aski palestinarren tiroen ondorioz".
Albiste gehiago mundua
Gazarako su-eten proposamen bat onartu du Hamasek
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.