Finlandiak zortzi hamarkadako lerrokatzerik eza hautsi eta NATOn sartzea babestu du
Finlandiako presidenteak, Sauli Niinistök, eta lehen ministroak, Sanna Marin sozialdemokratak, herrialde nordikoa NATOn sartzea babestu dute, zortzi hamarkada baino gehiagoko lerrokatzerik ezarekin hausten duen erabaki historikoa hartuta.
"Finlandiak lehenbailehen eskatu behar du NATOn sartzea. Erabaki hau hartzeko beharrezkoak diren pasagune nazionalak datozen egunetan azkar hartzea espero dugu", esan dute bi agintariek komunikatu bateratu batean.
Niinistö eta Marinen esanetan, NATOko kidetasunak Finlandiaren segurtasuna indartuko luke eta, aldi berean, herrialde nordikoak aliantza militarra indartsuago egingo luke.
Bi agintariek isilpean gorde dute orain arteko jarrera, Errusiak Ukraina inbaditu ondoren suspertu den NATOren inguruko eztabaida publikoan eraginik ez izateko.
"Denbora behar izan dugu Parlamentuak eta gizarte osoak gaiarekiko bere jarrera definitzeko, bai eta NATOrekin eta haren kide diren herrialdeekin, eta baita Suediarekin ere, nazioarteko harreman estuak ezartzeko. Eztabaidari behar zuen lekua eman nahi izan diogu", adierazi dute.
Urrats erabakigarri horrek bultzada sendoa ematen dio Finlandiako atxikitze-prozesuari, segurtasun- eta defentsa-politika presidenteak eta Gobernuak partekatzen duten eskumena baita.
Orain, koalizio-gobernuko gainerako kideek eta Eduskuntak (Parlamentua) sartzeko eskaera formalizatzeko babes ofiziala ematea besterik ez da falta, eta datozen egunetan gerta liteke hori, alderdi politikoen artean adostasun zabala baitago.
Suedia ere aurrerabidean
Suediako Gobernuak NATOn sartzeko eskaera datorren astean egin asmo du. Parlamentuak astelehenean eztabaidatuko du segurtasun egoera, eta Magdalena Andersson lehen ministroak kabineteko bilera berezi bat deituko du. Expressen agentziaren arabera, han hartuko lukete eskaera aurkezteko behin betiko erabakia.
Ezustekorik ezean, bilera horren ostean berehala bidaliko da eskabidea.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.