Turkia Suedia eta Finlandia NATOra batzearen aurka azaldu da, ekintzaile kurduak laguntzea leporatuta
Recep Tayip Erdogan Turkiako presidenteak ostiral honetan esan duenez, ez dira Finlandia eta Suedia NATOn sartzearen aldekoak, ekintzaile kurduei eta Ankarak "terroristatzat" jotzen dituen beste pertsona batzuei babesa emateagatik.
"Finlandiaren eta Suediaren inguruko gertakariak adi jarraitzen ari gara, baina ez dugu aldeko iritzia", esan du Erdoganek.
Bi herrialde nordikoak NATOn sartzeko, Aliantzako kide guztien oniritzia beharrezkoa da, eta Turkia horietako bat da.
"Herrialde eskandinaviarrak erakunde terroristentzako ostatuak bezalakoak dira. Are gehiago, terroristek euren parlamentuetan tokia dute", erantsi du Erdoganek.
Suediak eta beste herrialde nordikoek Turkia askotan kritikatu dute, kurduen giza eskubideak urratzeagatik, eta Erdogan presidentearekin kritikoak diren pertsonei asilo eman diete.
Grezia
Bestalde, Greziarekin egindako "hanka-sartzea" errepikatu nahi ez duela azpimarratu du Erdoganek. Turkiako buruzagiaren hitzetan, Atenas NATOn sartu, eta ondoren Aliantza Ankararen kontra erabili zuen.
"Aurreko gobernuek hanka-sartzeak egin zituzten, NATOren inguruan, Greziarekin. Greziaren Turkiarekiko jarrera badakigu jadanik. Ez dugu bigarrenez okertu nahi", adierazi du Erdoganek.
Nahiz eta bi herrialdeek 1952an Aliantzarekin bat egin, 1974an Greziak utzi zuen, Turkiak Zipren egindako operazioa ez eragoztea Aliantzari egotzita. Hala ere, egitura militarrera itzultzeko betoa 1980an kendu zion Turkiak Greziari.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.