Etxe Zuriak Texasko sarraskian Poliziak izandako jokabidea ikertuko du
Estatu Batuetako Justizia Departamentuak jakitera eman du joan den asteartean Uvaldeko ikastetxe batean (Texas) 19 haur eta bi irakasle hil ziren tiroketan Poliziak izan zuen jokabidea ikertuko duela. Ohar batean, Anthony Coley Justizia Departamentuko bozeramaileak eman du ikerketaren berri.
Don McLaughlin Uvaldeko alkateak egindako eskaerari erantzunez abiatu da ikerketa, hark gogor salatu baitu Poliziaren esku-hartze motela. Emaitzak publiko egingo dituztela azaldu dute.
Steven McCraw Texaseko Segurtasun Publikoko sailburuak ostiralean prentsaren aurrean onartu zuen, polizia-agenteek hiltzailea tiroka ari zen gelako atea eraitsi ez izana "erabaki okerra" izan zela, eta une horretan ikastetxean zegoen polizia-arduradun nagusiari egotzi zion haren errua.
Negoziazioak Kongresuan
Arlo politikoan, Alderdi Demokratako eta Alderdi Errepublikanoko kongresistak harremanetan egon dira asteburuan armen jabetza mugatuko duen lege berri bat negoziatzeko egutegi bat finkatzen saiatzeko.
Chris Murphy senatari demokratak esan du "serioak" izan direla harreman honek, eta ABC katean adierazi duenez, astebeteko epean aurkez ditzakete proposamen zehatzak. "Epea laburra da", esan du, Bloomerg agentziak jaso duenez.
Hainbat neurri negoziatuko dituzte kongresistek, hala nola aurrekarien kontrolak, "bandera gorriko" legeak – epailearen agindu bidez Poliziari edo senideei armak edukitzeko eskubidea mugatzeko aukera ematen dietenak – edo su-armen biltegiratzeari buruzko arau murriztaileagoak, Murphyk CBSn azaldu duenez.
Neurriok aurrera ateratzeko, demokratek errepublikanoen eskari batzuk onartu ahal izango lituzkete, hala nola ikastetxeetako segurtasun-neurriak areagotzea. Gaitasun handiko kargagailuak mugatzearen aukera baztertu egin da, nahikoa babesik ez duelako lortuko; halaber, ez dirudi oraindik nahikoa babes dagoenik armak edukitzeko legezko gutxieneko adina 18tik 21era igotzeko.
Demokratak armak kontrolatzeko legeak bultzatzen saiatu dira azken urteotan, bereziki 2012an Newtowneko (Connecticut) Sandy Hook Ikastetxean erasotzaile batek 27 pertsona hil zituenetik, baina errepublikanoek eta Alderdi Demokrataren sektore kontserbadoreenak beti blokeatu dituzte horrelako ekimenak.
Joe Biden AEBetako presidente demokrata Texasen izan da asteburuan eta neurriak agindu ditu, "mina ekintza" bihurtzeko deia egitearekin batera.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.