Texasko Poliziak onartu du akatsa izan zela tiroketaren gelara lehenago ez sartzea
Texasko Poliziak (AEB) onartu du akatsa izan zela joan den asteartean 19 ikasle eta bi maistra hil zituen erasotzailea zegoen gelara lehenago eta indarrez ez sartzea.
Hala adierazi du prentsaurrekoan Steven McCraw Texasko Segurtasun Publikoko Departamentuko zuzendariak, eta onartu du atea ez botatzea eta bedela giltzarekin iritsi arte itxarotea "erabaki okerra" izan zela. Gainera, une horretan ikastetxean zegoen polizia-arduradun nagusiari egotzi dio errua.
McCrawren arabera, ikasgelan tiro ugari entzun ondoren, eta horiek agenteak sartzen saiatzen ari zirenean bakarrik sarrerako atera bideratuta zeudela ikusi ondoren, polizien arduradun horrek interpretatu zuen ez zela inor bizirik geratzen barruan, erasotzailea izan ezik.
Iritzi horren ondorioz, "erasotzaile aktiboaren" protokoloa aldatu eta "gotortutako susmagarriaren" protokoloa ezartzea erabaki zuen. Hori dela eta, atea bota eta indarrez sartu ordez, agenteak erasotzailearen tiroen arriskupean jarri beharrean, giltza eta errefortzuak ekipamendu egokiarekin iritsi arte itxarotea erabaki zuen.
"(Poliziaburuak) denbora zegoela pentsatu zuen, eta ez zegoela umerik gehiago arriskuan. Jakina, bazeuden, eta erasotzaileak aktibo jarraitzen zuen. Erabaki okerra izan zen, eta ez dago aitzakiarik ", aitortu du McCrawk.
Tiroketan hildako 21 pertsonak ikasgela berean zeuden, baina Poliziak azkenean sartzea lortu zuenean, bertan ere bizirik zeuden haurrak aurkitu zituen. Ikasle batzuek gela barrutik ere deitu zuten Polizia.
Polizia errefortzuen zain egon zen orduan, eta ez zen saiatu ikasgelara indarrez sartzen; 19 agente zeuden ikastetxean.
Ikasgelan sartu ondoren, Salvador Ramosek, erasotzaileak, atea barrutik itxi zuen eta bereizi gabe egin zien tiro ikasleei eta irakasleei.
Poliziaren jardunari kritika ugari egin dizkiote familiek eta publiko orokorrak sare sozialetan eta komunikabideetan, uste baitute segurtasun indarrek azkarrago jarduteko aukera izan zutela.
Zure interesekoa izan daiteke
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.