Bonbardaketak izan dira berriz ere Kiev inguruan
Vitali Klitschko Kieveko alkateak jakitera eman duenez, Errusiak bonbardaketak egin ditu gaur goizean hiriaren hegoaldean, Darnytsiaeta Dneprovsky inguruetan, eta gutxienez pertsona bat zauritu dute.
Telegramen argitaratutako mezu batean, alkateak azaldu du goizeko lehen orduan izan direla erasoak baina hiriko azpiegiturek ez dutela kalte handirik jasan: "hiriko zerbitzuak martxan daude bonbardatutako auzoetan" zehaztu du.
Aire bidezko erasoez ohartarazteko alarmak jo du eta herritarrei etxean geratzeko eskatu diete.
Gertu, Browary herrian ere, misilak erori dira baina ez da jakitera eman ondoriorik izan ote duten.
Sare sozialetan ke zutabeak ikusten diren bideoak zabaltzen ari dira.
Kieven ez da horrelako erasorik izan azken asteotean. Ukrainako hiriburua setiatuta egon zen gerraren hasieran eta eraso gogorrak jasan zituen baina azken aldian Donetsk eta Luhansk ari dira gehien sufritzen.
Putin: "helburu berriak erasotuko ditugu Ukrainak irismen luzeko misilak jasotzen baditu"
Vladimir Putin Errusiako presidenteak esan du Kieven "Europako tankeak eta ibilgailu blindatuak" suntsitu dituztela, eta gaineratu du Errusiako Indar Armatuek helburu berriei eraso egingo dietela Mendebaldeak Ukrainari irismen luzeko misilak ematen badizkio.
"Arma horiek ematen badizkiete, ondorioak izango ditu. Guk ere baditugu armak eta erabili egingo ditugu, orain arte erasotu ez ditugun helburuei eraso egiteko", adierazi du Errusiako telebista publikoko lehen kanalean egindako elkarrizketa batean.
AEBko Gobernuak Ukrainari 700 milioi dolarreko laguntza militarra emango diola iragarri ondoren egin ditu adierazpen horiek Putinek. Antza denez, AEBk 70 kilometrorainoko irismena duen HIMARS misilak bidaltzea aurreikusten du.
Nazioartetik joandako lau boluntario hil dira Errusiako Armadarekin borrokan
Bestalde, Ukrainako Armadak jakitera eman duenez, Herbehereetatik, Alemaniatik, Frantziatik eta Australiatik joandako lau boluntario hil dira Errusiako tropekin borrokan.
Ukrainaren Defentsarako Legio Internazionala delako taldean alistatu ziren boluntarioak, Ukrainako Armadan, atzerritarrek osatutako talde berezian.
"Gure anaia Ronald Vogel, Michael O'Neill, Bjorn Benjamin Clavis eta Wilfried Blerioren memoria goraipatu nahi dugu. Ez dugu hitzik euren zerbitzu eta sakrifizio gorena eskertzeko. Euren adorea eta oroimena beti izango dugu gogoan" argitaratu du Ukrainako Armadak Facebooken duen orrian.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.