Ukrainaren arabera, errusiar errefortzuak iritsi dira Severodonetsk hirira, Luganskeko azken gotorlekura
Ukrainako Armadak baietsi duenez, errusiar militarrak iritsi dira larunbat honetan Severodonetsk hirira, ukrainar indarrek ekialdeko Lugansk eskualdean duten azken gotorlekura, hain zuzen.
"Etsaia hiria erasotzen ari da, artilleria sendogarriekin eta 2. Armadako gorputzaren erreserbarekin tropak indartuta", DPA albiste agentzia alemaniarrak jasotako txosten baten arabera.
Azken orduetan, indar errusiarrek hiriko auzo bati eta hurbileko Bajmut eskualdeari eraso egin diete, hiriaren hegoaldean. Gerra hasi aurretik biztanle ugariko gunea zen, 380.000 pertsona inguru bizi baitziren bertan.
Tropa errusiarrak joan den astean sartu ziren hirian, baina oraindik ez dute erabat kontrolatzea lortu, ezta aldiriak ere.
Hain zuzen ere, azken orduetan, Ukrainako indarrek bi erasori aurre egin diete Sloviansketik hurbil, 60 kilometrora dagoen hiria.
Gainerakoan, txostenaren arabera, frontea geldirik dago. Ukrainar Armadak adierazi duenez, Errusia defentsa egoeran dago orain, bai iparraldean, Kharkivetik hurbil, bai hegoaldean.
25.000 zibil daude oraindik Sloviansken
Bestalde, Vadim Liaj Sloviansk hiri estrategikoko alkateak larunbat honetan salatu duenez, 25.000 zibilek hirian jarraitzen dute, indar errusiarren "etengabeko bonbardaketa" artean.
"Gaua lasai samarra izan da, baina aste honetan zenbait aldiz bonbardatu gaituzte. Biktima zibilak daude, baina baita etxebizitzak eta eskolak ere", adierazi du BFMTV frantziar katearentzat egindako adierazpenetan.
Solviansken, Donbasseko ukrainar eskualdeko errusiar erasoaldiaren jomuga nagusian alegia, zenbait egun daramatzate elektrizitate- eta ur-horniketarik gabe. Bitartean, aurrera darraite ebakuazio lanek, unera arte hiritik 75.000 pertsona atera dituztelarik.
Eskualdeko Indar Armatuen base nagusia da eta, Errusiak hiria hartuz gero, inflexio-puntu garrantzitsua litzateke gerraren bilakaerarako.
100 gerra egun
Ostiral honetan, 100 egun bete ziren Errusiak Ukraina inbaditu zuenetik. Denbora horretan, Nazio Batuen Erakundeak emandako datuen arabera, 4.000 zibil baino gehiago hil dituzte. Gainera, Ukrainako presidentearen esanetan, 5 milioi herritarrek atzerrira ihes egin dute eta beste 12 milioi ukrainarrek, ostera, herrialdeko beste toki batera mugitu behar izan dute.
Volodimir Zelenski ukrainar presidenteak adierazi du Errusiako Armadak Ukrainaren bosten bat edo % 20 kontrolatzen duela, hots, 125.000 kilometro karratu inguru.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.