Abian da Bavarian G7ko 48. goi-bilera
G7ko estatuburuek eta gobernuburuek hiru eguneko goi-bilerari ekin diote, gaurtik hasita, Elmauko gazteluan, Alpeetan, Bavariako estatuan (Alemania), Ukrainako gerra eztabaidetako auzi nagusia izanda.
Ekainaren 28ra arte egingo dute batzarra, eta Alemania anfitrioia izango da. Hori dela eta, Olaf Scholz Alemaniako kantzilerra Joe Biden AEBko presidentearekin batzartu da aldebiko bilera batean, goi-bilerari ekin aurretik.
Ukrainako gerra bereziki izango dute mintzagai. Boris Johnson Erresuma Batuko lehen ministroak adierazi duenez, lehentasuna izango da Ukrainari erakutsitako babesa berrestea "behar den beste denbora".
Landa-eremu batean kokatutako luxuzko hotel batean izango da goi-bilera, 2017ko G7ko goi-bileran, Hamburgon, alegia, izandako istilu larriak saihestu aldera. Elmauko zonaldea hesiz inguratuta dago, balizko manifestarien sarrera galarazteko, eta polizia kopurua handia zabalduko dute, 18.000 agente inguru, hain zuzen ere.
Munduko zazpi ekonomia handiek osatzen dute G7a, hala nola, Alemania, Kanada, AEB, Frantzia, Italia, Japonia eta Erresuma Batua. Potentzia horiei eragiten dizkieten segurtasun- eta ekonomia-auziak kudeatzea da helburua. Vlodomir Zelenski Ukrainako presidenteak ere parte hartuko du, modu telematikoan.
Protestak, goi-bileraren atarian
Larunbat honetan, G7ko goi-bileraren bezperan, 4.000 pertsona inguru bildu dira Munichen izandako protestan. 20.000 bat lagun biltzea espero zuten protestaren antolatzaileek eta azkenean parte-hartzea askoz txikiagoa izan da.
Erregai fosilak pixkanaka erabiltzeari uztea, animalien eta landareen dibertsitatea babestea, justizia soziala eta gosetearen aurkako ekintzak aldarrikatu dituzte Munichen bildutako manifestariek.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.