Danimarkako Poliziak terrorismoaren hipotesia baztertu eta atxilotuaren aurrekari psikiatrikoak aipatu ditu
Danimarkako Poliziak astelehen honetan adierazi duenez, igandean Kopenhageko merkataritza-gune batean egindako erasoa ez da terrorismo ekintza bat eta argitu dute susmagarriak aurrekari psikiatrikoak dituela. Gertakariak gutxienez hiru hildako eta lau zauritu eragin zituen.
"Ez dago terrorismo-ekintza izan dela adierazten digun ezer", esan du Soren Thomassen Kopenhageko poliziaburuak. "Gure balorazioa da ausaz aukeratutako biktimak direla", adierazi du, eta nabarmendu du susmagarriak erasoa aurrez prestatu zuela, baina oraingoz ez dakitela zein izan den horretara bultzatu duena.
Era berean, Thomassenek azpimarratu du azken orduetan Poliziak hainbat peskiza egin dituela Fields merkataritza-guneko gertakariarekin lotuta. "Gau osoa eman dugu lanean. Miaketak egin ditugu eta dokumentuak aztertu", adierazi du Kopenhageko poliziaburuak, eta, susmagarria bakarrik aritu dela adierazi du.
Thomassenek biktimen inguruko xehetasun gehiago eman ditu. Hildakoak 17 urteko bi daniar eta Danimarkan bizi den 47 urteko errusiar nazionalitatea duen gizon bat dira. Lau zaurituen artean bi daniar eta bi suediar daude, tartean 16 urteko nerabe bat, Jyllands Posten Danimarkako egunkariak jaso duenez.
Danimarkako lehen ministroak, Mette Frederiksenek, "eraso basatia" izan zela esan du, eta herritarrei batuta egoteko dei egin die, 'Berlingske' egunkariaren arabera. "Ulertezina da, urragarria, eta zentzurik gabea. Gure hiriburu eder eta segurua, aldatu egin da segundo bakar batean", deitoratu du Frederiksenek, eta eskerrak eman dizkie segurtasun indarrei, medikuei eta laguntza eskaini duten guztiei.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.