Errusiak Ukrainako geltoki bati eraso dio, misilak erabiliz, eta gutxienez 25 lagun hil eta 31 zauritu dira
Errusiak Ukrainako tren-geltoki bati eraso dio, misilak erabiliz, Dnipropetrovsk eskualdean, eta gutxienez 25 lagun hil, tartean bi ume, eta 31 pertsona zauritu dira, asteazken honetan, Volodimir Zelenski Ukrainako presidenteak adierazi duenez eta Kirilo Timoshenko Zelenskiren Bulegoko buruak ostegunean eguneratu duenez: "Okupatzaileek egindakoaren ardura euren gain har dezatela egingo dugu, eta, benetan, inbaditzaileak gure lurretik botako ditugu", esan du Zelenskik, Chapline udalerriko geltokian jazotakoaz. Errusiak, baina, 200 ukrainar militar baino gehiago hil egin dituela iragarri du.
"Chapline da gaurko gure mina. Orain arte, 22 hildako daude; horietako bost euren autoan hil dira, kiskalita. 11 urteko ume bat hil da; errusiar misil batek haren etxea suntsitu du", esan du Zelenskik, gauean egiten duen hitzaldian, asteazkenean. Egun horretan, hain zuzen, Ukrainako independentziaren oroitzapena egin dute, eta sei hilabete bete dira Errusiak herrialdea inbaditu zuenetik.
Bilaketa- eta erreskate-lanak egiten jarraituko dute, tren-geltokian. Zelenskik, aipatutako hitzaldia eman aurretik, NBEren Segurtasun Kontseiluaren aurrean hitz egin zuen, bideokonferentziaz, gerra hizpide zuen topaketa batean; bertan esan duenez, jaurtigailuek zuzenean jo dituzte Chaplineko geltokian zeuden bagoi batzuetan, eta horietako lau sutan izan direla. Beraz, biktima-kopurua altuagoa ere izan liteke.
Ukrainar liderrak salatu duenez, eraso-mota hau ohitura bilakatu da Ukrainan, "errusiar terrorearen aurka borrokatzen dugun bitartean". "Horrela ari gara bizitzen egunero. Horrela prestatu da Errusia Segurtasun Kontseiluaren bilera honetarako", azaldu du.
Zelenskik, NBEren aurrean, berretsi du munduaren etorkizuna Ukrainan ari dela erabakitzen: "Errusiak, gatazkan irabaziz gero, beste herrialde batzuetara eramango du gerra", ohartarazi du.
Errusiak dio 200 militar baino gehiago hil egin dituela
Errusiako Defentsa Ministerioak, aldiz, adierazi du ostegunean erasoa zutabe militar baten aurkakoa zela, eta 200 ukrainar militar baino gehiago hil egin dituela bertan.
"Iskander misil batek zuzenean jo du zutabe militar baten kontra, Chaplineko tren-geltokian, Dnipropetrovsk eskualdean, eta, ondorioz, 200 militar baino gehiago hil egin ditugu eta hamar ekipo militar suntsitu. Donbassera zihoazen horiek guztiak", adierazi du Errusiako Armadak.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.