EBk oztopoak jarriko dizkie Europara bidaiatu nahi duten errusiarrei
Europar Batasuneko Atzerri ministroek 2007an Errusiarekin sinatutako bisen jaulkipenari buruzko akordioa bertan behera uztea erabaki dute. Beraz, tramiteak zailagoak eta garestiagoak izango dira EBra bidaiatu nahi duten errusiarrentzat.
Akordio politikoa ez da EBra bidaiatzeko erabateko debekua, baina 90 egun arteko egonaldietarako baimena nahi duten errusiarrei oztopo gehiago jarriko zaizkie. Bisen akordioa dagoeneko etenda zegoen funtzionarioentzat eta enpresarientzat, baina orain erabat etenda geratuko da.
"Estatu kideek uste dute gauzek ezin dutela beti bezala jarraitu. Politikoki adostu dugu zerbait egin behar dela", iragarri du Josep Borrell EBko Atzerri Politikarako goi ordezkariak.
Borrellen arabera, uztailaren erdialdetik "nabarmen" egin du gora Errusiatik muga zeharkatzen dutenen kopurua, eta hori "arriskutsua" bihurtu da segurtasunaren aldetik. "Gainera, errusiar asko ikusi ditugu bidaiatzen aisialdirako, erosketak egiteko, Ukrainan gerrarik ez balego bezala", gaineratu du.
Gainera, Atzerri ministroek EBri eskatu diote lehendik onartuta dauden bisen egoera azter dezala eta neurriak har ditzala. "Denok ulertzen dugu horri ere heldu behar zaiola, eta egoera honek ikuspegi komuna behar duela", gaineratu du Borrellek.
EBren eta Errusiako Federazioaren arteko akordioa bertan behera utzita, litekeena da Errusiara bidaiatu nahi duten Europako herritarrek ere zailtasun gehiago izatea.
Halaber, ministroek adostu dute Errusiak Ukrainako lurraldean igorritako pasaporteak ez direla onartuko Europar Batasunean.
Zure interesekoa izan daiteke
Erlojuaren aurka bila ari dira Venezuelan, lurrikararen ostean bizirik atera direnak erreskatatzeko
Hasi dira nazioartetik bidalitako laguntza taldeak eta baliabide logistikoak iristen, Venezuelan bi lurrikara bortitzek eragindako kalteei aurre egiten laguntzeko. 235 hildako zenbatu ditutzte momentuz. 4.000tik gora dira hildakoak eta milaka desagertuta daudenak.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.